Դեղի օգտագործման հրահանգ
Արտադրող
«Մեդիկալ Հորիզոն», Հայասատան։
Դեղաձև
Արտաքին օգտագործման լուծույթ։
Նկարագրություն
Նախատեսված է կնոջ ինտիմ հիգիենայի համար։
Բաղադրություն
- Երիցուկի հանուկ 0․075 մլ
- Մաքրված դեիոնիզացված ջուր 150 մլ
Հատկություններ
Երիցուկի հեշտոցային ցնցուղն օգտագործվում է հեշտոցային հիգիենայի համար, կանխարգելում է հեշտոցային ինֆեկցիաները վերացնում է դիսկոմֆորտը։ Երիցուկի հեշտոցային ցնցուղի ակտիվ բաղադրատարրը երիցուկի հանուկն է։ Երիցուկի պատրաստուկների ազդեցությունը օրգանիզմի վրա պայմանավորված է բույսի ծաղիկների կոմպլեքս բաղադրությամբ՝ ֆիզիոլոգիական ակտիվ նյութերով (եթեայուղեր, ազուլեն, ֆլավոնոիդներ, պոլիսախարիդներ, վիտամիններ), որոնք ցուցաբերում են սպազմոլիտիկ, հակաբորբոքային, անտիսեպտիկ, հակաալերգիկ, սեդատիվ և ցավազրկող ազդեցություն։ Երիցուկի հակաբորբոքային և սպազմոլիտիկ ազդեցությունը պայմանավորված է 3 նյոթերով՝ բիզաբոլոլով, խամազուլենով և սպիրոէֆիրով։
Դեղաբանական ազդեցություն
Երիցուկի ցնցուղի հիմնական ազդցություններն են հակաբորբոքային, անտիսեպտիկ, սպազմոլիտիկ, փափկեցնող և ռեգեներացիոն։
Ընդհանուր տեղեկություն
Կնոջ օրգանիզմի խնդիրներից մեկը միզասեռական համակարգի անատոիական առանձնահատկություններն են, որը պատճառ է դառնում վարակի հեշտ թափանցմանը։ Հեշտոցի հիգիենան համարվում է ինֆեկցիաների կանխարգելման հիմնական միջոցներից մեկը, հատկապես հեշտոցի կամարների սանացիան։
Կիրառման ցուցումներ
- Հեշտոցի ինտենսիվ հիգիենայի ժամանակ, որբ առկա է արտադրություն հեշտոցից, քոր, դիսկոմֆորտ
- Հեշտոցային ինֆեկցիաների կանխարգելում, կարելի է օգտագործել որպես սնկային և բակտերիալ վագինիտների կանխարգելման միջոց
- Ընդհանուր հեշտոցային հիգիենայի համար
Հակացուցումներ
Բաղադրատարրերի նկատմամբ գերզգայնություն։
Կիրառման եղանակը և դեղաչափերը
Կիրառման եղանակը
Տուփում առկա է Երիցուկ ցնցուղի շշիկը 150 մլ և ախտահանված ներդրուկը։
- Հեռացնել շշիկի փական
- Ամրացնել ներդրուկը
- Գտնվելով առավել հարմարավետ դիրքում՝ ներդրուկը տեղադրել հեշտոցում՝ աստիճանաբար սեղմելով շիշը, մղել շշի պարունակությունը հեշտոց։ Այն կարելի է կիրառել նստած, պառկած կամ կանգնած դիրքում։
Շշիկը և ներդրուկը օգտագործելուց հետո կարելի է լվանալ, ախտահանել սպիրտային լուծույթով։
Կիրառման հաճախությունը
Կախված է հեշտոցի վիճակից․
- կանխարգելման նպատակով կարելի է օգտագործել շաբաթը 1 անգամ
- հեշտոցի դիսկոմֆորտի դեպքում կարելի է կիրառել շաբաթը 3 անգամ
- բուժման կուրսի ընթացքում օրը 2 անգամ 5 օր տևողությամբ։
Կողմնակի ազդեցույթուններ
Ճիշտ օգտագործման դեպքում կողմնակի երևույթներ չեն նկատվում։
Թողարկման ձև
150 մլ պլաստիկե շշիկ և ախտահանված ներդրուկ։
