Օգտագործման հրահանգ

Արտադրող

«ՆՊՖ Մատերիա Մեդիկա Հոլդինգ» ՍՊԸ, Ռուսաստան:

Դեղաձև

Հոմեոպաթային դեղահատեր։

Նկարագրություն

Սպիտակ մինչև գրեթե սպիտակ, ակոսիկով և երիզով տափակ գլանաձև դեղահատ, որի ակոսիկով կողմի վրա դրոշմված է MATERIA MEDICA, իսկ մյուս կողմի վրա՝ TENOTEN KID։

Ակոսիկը նախատեսված չէ դեղահատը մասերի բաժանելու համար։

Բաղադրություն Մանկական Տենոտեն

Յուրաքանչյուր դեղահատ պարունակում է.

Ակտիվ նյութեր՝ ուղեղի հատկորոշիչ Տ-100 սպիտակուցի նկատմամբ աֆինային մաքրված հակամարմիններ — 0,003գ:

Օժանդակ նյութեր՝ լակտոզի մոնոհիդրատ, միկրոբյուրեղային ցեյլուլոզ, մագմեզիումի ստեարատ։

Դեղաբանական ազդեցությունը

Դեղաբանական խումբ․ Անքսիոլիտիկներ։

Դեղադինամիկա

Մանկական Տենոտենտ ցուցաբերում է հանգստացնող և տագնապամարիչ (անքսիոլիտիկ) ազդեցություն՝ չառաջացնելով անցանկալի քնաբեր և միոռելաքսանտ ազդեցություններ։ Բարելավում է օրգանիզմի հոգեհուզական ծանրաբեռնվածության դիմադրունակությունը։ Դեղն օժտված է հակասթրեսային, նոոտրոպ, հիշողության վատթարացումը և թթվածնային քաղցը կանխող, նյարդապաշտպանիչ, հակաասթենիկ, հակադեպրեսային ազդեցություններով։

Թունավորման և թթվածային քաղցի դեպքում, ինչպես նաև ուղեղի արյան շրջանառության սուր խամգարմանը հաջորդող իրավիճակներում դեղը ցուցաբերում է նյարդապաշտպանիչ ազդեցություն։ Այն սահմանափակում է ախտահարման հատվածը։ Կենտրոնական նյարդային համակարգում կարգավորվում է ուսանելու ունակության և հիշողության պրոցեսները։ Արգելակում է ջրածնի պերօքսիդի միջոցով ճարպերի օքսիդացումը։

Այն փոխակերպում է ուղեղում սիապսային (տեղեկատվական) և նյութափոխանակային պրոցեսների կապակցումը իրականացնող Տ-100 սպիտակուցի ֆունկցիոնալ ակտիվությունը։ Ապահովելով գամմա-ամինոկարագաթթվային համակարգը ակտիվացնող և նյարդասնուցող ազդեցություն՝ բարձրացնում է սթրեսը սահմանափակող համակարգերի ակտիվությունը և նպաստում է նյարդաբջջային ճկունության վերականգնմանը։

Դեղակինետիկա

Ֆիզիկա-քիմիական անալիզի ժամանակակից մեթոդների զգայնությունը հնարավություն չի տալիս որոշել Մանկական Տենոտոն դեղի ակտիվ բաղադրատարրերի պարունակթյունը կենսաբանական հեղուկներում, օրգաններում և հյուսվածքներում։ Այդ պատճառով Մանկական Տենոտենի դեղակինետիկան տեխնիկապես անհնար է ուսումնասիրել։

Կիրառման ցուցումներ 

Մանկական Տենոտեն դեղը ցուցված է 3 տարեկանից բարձր երեխաներին՝

• նևրասթրեսային և նյարդային խանգարումների (այդ թվում՝ հարմարվողական ռեակցիաների խանգարումներ, որոնք արտահայտվում են տագնապով, գրգռվածությամբ, բարձր դրդվածությամբ, վեգետատիվ խանգարումներով) դեպքում
• ուշադրության պակասի և գերակտիվության համախտանիշի դեպքում

Հակացուցումներ 

Մանկական Տենոտենը հակացուցված է․

• դեղի բաղադրատարրերից և/կամ օժանդակ նյութերից որևէ մեկի նկատմամբ անհատական գերզգայնության դեպքում
• մինչև 3 տարեկան երեխաներին
• լակտազայի անբավարարության, լակտոզայի նկատմամբ անտանելոիթյան և գլյուկոզ-գալակտոզայի մալաբսորբցիայի համախտանիշի դպքում 

Հղիություն և կրծքով կերակրում 

Հղիության և կրծքով կերակրման շրջանում Մանկական Տենոտեն դեղի կիրառման անվտանգությունը ուսումնասիրված չէ։ Կիրառման անհրաժեշտության դեպքում անհրաժեշտ է հաշվի առնել ռիսկ/օգուտ հարաբերակցույթունը։

Կիրառման եղանակը և դեղաչափերը

Ակոսիկը նախատեսված չէ դեղահատը մասերի բաժանելու համար։

Մանկական Տենոտեն դեղը նախատեսված է ներքին ընդունման համար՝ 1-2 դեղահատ։

Դեղահատն անհրաժեշտ է պահել բերանում մինչև դրա ամբողջական ներծծվելը։ Դեղը չի կարելի օգտագործել սննդի ընդունման ընթացքում։ Անհրաժեշտության դեպքում դեղահատը կարելի է լուծել քիչ քանակությամբ եռացրած և մինև սենյակային ջերմաստիճանը սառեցրած ջրում։

Նևրասթենիայի և նյարդային խանգարումների դեպքում անհրաժեշտ է ընդունել 1 դեղահատ օրական մեկից մինչև երեք անգամ։ Բուժման տևողությունը 1-3 ամիս է, անհրաժեշտության դեպքում՝ մինչև 6 ամիս։ Բուժման կուրսը կարեի է կրկնել 1-2 ամիս անց։

Ուշադևության պակասի և գերակտիվության համախտանիշի դեպքում անհրաժեշտ է ընդունել 2 դեղահատ օրական 2 անգամ։ Բուժման տևողությունը 1-3 ամիս է։

Բուժման առաջին 3-4 շաբաթվա ընթացքում վիճակի կայուն բարելավման բացակայության դեպքում անհրաժեշտ է դիմել բժշկի։

Կողմնակի ազդեցույթուններ 

Հնարավոր են դեղի բաղադրատարրերի և օժանդակ նյութերի նկատմամբ անհատական գերզգայնության ռեակցիաներ։ 

Գերդեղաչափում 

Գերդեղաչափման դեպքեր հնարավոր է մարսողության խանգարում՝ դեղի բաղադրության մեջ առկա օժանդակ նյութերով պայմանավորված։

Փոխազդեցություններ այլ դեղերի հետ 

Այլ դեղերի հետ անհամատեղելության դեպքում մինչ այժմ չեն գրանցվել։

Կիրառման հատուկ հրահանգներ և նախազգուշացումներ

Բաղադրության մեջ լակտոզի մոնոհիդրատի առկայության պատճառով Մանկական Տենոտեն դեղը խորհուրդ չի տրվում օգտագործել բնածին գալակտոզեմիայով, գլյուկոզայի կամ գալակտոզայի մալաբսորբցիայի համախտանիշով և բնածին լակտազային անբավարարությամբ պացիենտներին։

Մանկական Տենոտեն դեղն օժտված է ակտիվացնող հատկությամբ, հետևաբար օրվա վերջին դեղահատը պետք է ընդունել քնելուց 2 ժամ առաջ։

Ազդեցությունը փոխադրամիջոցներ վարելու և սարքավորումների հետ աշխատելու կարողությունների վրա 

Մանկական Տենոտեն դեղի բացասական ազդեցությունը փոխադրամիջոցով վարելու և հնարավոր վտանգավոր մեխանիզմների հետ աշխատելու կարողության վրա բացահայտված չէ։

Թողարկման ձև

Հոմեոպաթային դեղահատ։ Պոլիվինիլքլորիդային թաղանթից և ալյումինե նրբաթիթեղից պատրաստված շրջագծված բնիկավոր բլիստերը պարունակում է 20 դեղահատ։ Ստվերաթղթե տուի մեջ տեղադրված է մեկ կամ երկու շրջագծված բնիկավոր բլիստեր՝ դեղի օգտագործման հրահանգի (ներդիր-թերթիկի) հետ միասին։

Պահման պայմաններ

Պահել 25°C-ից ոչ բարձր ջերմաստիճանի պայմաններում։

Պահել երեխաների համար անտեսանելի և անհասանելի տեղում։ 

Մանկական Տենոտենի ընդունման ընթացքում բլիստերը պահել դեղի տուփի մեջ։

Պիտանիության ժամկետ

3 տարի։ 

Դեղը չի կարելի կիրառել տուփի վրա նշված պիտանիության ժամկետը լրանալուց հետո:

Դեղատնից բացթողման կարգ 

Բաց է թողնվում առանց դեղատոմսի։