Օգտագործման հրահանգ

Արտադրող

Հանկուկ Կորուս Ֆարմ Քո., ՍՊԸ, Հարավային Կորեա:

Դեղաձև

Դեղահատեր։

Նկարագրություն

Սպիտակ օվալաձև դեղահատեր։

Բաղադրություն Վիտամին C-Աստերիա

Յուրաքանչյուր դեղահատ պարունակում է.

Ակտիվ նյութեր՝ասկորբինաթթու- 500մգ։

Օժանդակ նյութեր՝ մանրաբյուրեղային ցելյուլոզա, ցածր տեղակալված հիդրօքսիպրոպիլցելյուլոզա, գլիկոլացված օսլայի նատրիումական աղ, մագնեզիումի ստեարատ, տալկ:

Կիրառման ցուցումներ 

Վիտամին C-Աստերիան խորհուրդ է տրվում լնդախտի կանխարգելման և բուժման համար:

Հակացուցումներ 

• Ասկորբինաթթուն չպետք է կիրառեն հիպերօքսալուրիայով տառապող հիվանդները
• Մինչև 6 տարեկան երեխաներ
• Գերզգայունություն ակտիվ նյութի կամ օժանդակ նյութերից որևէ մեկի նկատմամբ

Վիտամին C- Աստերիան չպետք է տևականորեն կիրառեն.

• շաքարախտով հիվանդերը
• հակամակարդիչներով բուժում ստացող հիվանդները և ներքին արյունահոսության նախատրամադրված հիվանդները
• երիկամային կրկնվող քարագոյացմանը հակված և կերակրի աղի սահմանափակմամբ սննդակարգով հիվանդները

Հղիություն և կրծքով կերակրում 

Հղիություն

Չկան հասանելի կլինիկական տվյալներ հղիության վրա ասկորբինաթթվի ազդեցության վերաբերյալ:

Կենդանիների վրա փորձարկումների արդյունքում չեն բացահայտվել հղիության, սաղմնային զարգացման/պտղի զարգացման, ծննդաբերության կամ հետծննդաբերական զարգացման վրա բացասական ազդեցություններ: Հղիության ժամանակ պետք է կիրառել զգուշությամբ:

Կրծքով կերակրում

Ասկորբինաթթուն թափանցում է կրծքի կաթի մեջ: Չնայած նրան, որ չկան տվյալներ նորածնի վրա վտանգավոր ազդեցության մասին, անհրաժեշտ է դեղն ընդունել զգուշությամբ:

Կիրառման եղանակը և դեղաչափերը

Կիրառման եղանակ

Վիտամին C-Աստերիան կիրառվում է ներքին ընդունմամբ:

Դոզավորում

Մեծահասակներին, ներառյալ տարեցներին և 6 տարեկանից բարձր երեխաներին:

Պրոֆիլակտիկ՝ օրական 25-75մգ:

Նախազգուշացում՝ Վիտամին C –Աստերիան չի կարելի կիրառել պրոֆիլակտիկ նպատակներով:

Թերապևտիկ՝ ոչ պակաս քան օրական 250մգ, ոչ ավել քան օրական 1000մգ:

Մինչև 6 տարեկան երեխաներ՝ վիտամին C-Աստերիա դեղահատերը նախատեսված չեն 6 տարեկանից ցածր երեխաների համար:

Կողմնակի ազդեցույթուններ 

Նյարդային համակարգի խանգարումներ՝ գլխացավ:

Անոթային խանգարումներ՝ արյունահոսություն:

Ստամոքս-աղիքային խանգարումներ՝ սրտխառնոց, փսխում և ցավեր փորի շրջանում: Մեծ դեղաչափերով ասկորբինաթթուն կարող է առաջացնել փորլուծություն:

Մաշկի և ենթամաշկային հյուսվածքի խանգարումներ՝ մաշկի կարմրություն:

Երիկամների կամ միզուղիների խանգարումներ․ Այն հիվանդները, որոնք ունեն հիպերօքսալուրիայի զարգացման ռիսկ, չպետք է ընդունեն օրական 1 գ-ից ավելի ասկորբինաթթու, քանի որ այն կարող է մեծացնել օքսալատի արտազատումը մեզի մեջ: Սակայն այդ ռիսկը չի դրսևորվում հիպերօքսալուրիա չունեցող մարդկանց շրջանում:

Գլյուկոզո-6-ֆոսֆատդեհիդրոգենազայի դեֆիցիտ ունեցող մարդկանց շրջանում ասկորբինաթթվի օգտագործումը կարող է արագացնել հեմոլիտիկ անեմիայի զարգացումը:

Ասկորբինաթթվի մեծ դեղաչափերի երկարատև օգտագործումը կարող է հանգեցնել ասկորբինաթթվի երիկամային քլիրենսի մեծացմանը, ինչի պատճառով դեղի օգտագործման կտրուկ դադարեցումը կամ կիրառման նվազեցումը կարող են դառնալ վիտամին C-ի պակասի պատճառ: Օրական 600 մգ-ը գերազանցող դեղաչափերն ունեն միզամուղ ազդեցություն:

Գերդեղաչափում 

Ախտանիշներ

Ավելի քան 3գ դեղաչափով ասկորբիաթթուն կարող է դուրս բերվել օրգանիզմից առանց ադսորբվելու:

Կլանված ասկորբինաթթուն, ըստ օրգանիզմի լրացուցիչ պահանջի, արագ դուրս է բերվում:

Մեծ դեղաչափերը կարող են առաջացնել փորլուծություն և երիկամներում կալցիում-օքսալատային քարերի գոյացում: Կարող է պահանջվել սիմպտոմատիկ բուժում: Ասկորբինաթթուն կարող է առաջացնել ացիդոզ կամ հեմոլիտիկ անեմիա այն մարդկանց շրջանում, ովքեր ունեն գլյուկոզո-6-ֆոսֆատդեհիդրոգենազայի դեֆիցիտ: Մեծ դեղաչափերով ասկորբինաթթուն կարող է առաջացնել երիկամային անբավարարություն:

Ուղեցույց

Կարելի է իրականացնել ստամոքսի լվացում, եթե ասկորբինաթթուն ընդունել եք վերջերս, հակառակ դեպքում անհրաժեշտ են այլ օժանդակ միջոցառումներ, համաձայն ցուցումների:

Դեղային փոխազդեցություն 

Ասկորբինաթթուն մեծացնում է ամֆետամինների երիկամային արտազատումը: Ասկորբատի կոնցենտրացիան պլազմայում նվազում է ծխելու և պերօրալ հակաբեղմնավորիչների ընդունման արդյունքում:

Ասկորբինաթթուն մեծացնում է երկաթի ներծծումը:

Ասպիրինի և ասկորբինաթթվի միաժամանակյա կիրառումը կարող է ազդել ասկորբինաթթվի ներծծման վրա: Սալիցիլատի երիկամային արտազատումը չի փոխվում և չի հանգեցնում ասպիրինի հակաբորբոքային ազդեցության թուլացմանը:

Ասկորբինաթթվի և ալյումին պարունակող անտացիդների հետ միաժամանակյա ընդունումը կարող է մեծացնել մեզի միջոցով ալյումինի դուրս բերումը:

Ամիգդալինի հետ միաժամանակյա կիրառումը (հավելումների ձևով) կարող է բերել ցիանիդով թունավորման:

Դեֆերօքսամինի հետ ասկորբինաթթվի միաժամանակյա կիրառումը մեծացնում է մեզի միջոցով երկաթի արտազատումը: Իդիոպաթիկ հեմոքրոմատոզ և թալասեմիա ունեցող պացիենտների շրջանում, ովքեր ընդունում են դեֆերօքսամին, ասկորբինաթթվի հաջորդող ընդունման դեպքում գրանցվել են կարդիոմիոպաթիաների և քրոնիկական սրտային անբավարարության դեպքեր: Այդպիսի պացիենտներին պետք է կիրառել ասկորբինաթթուն զգուշությամբ և պետք է վերահսկել սրտի աշխատանքը:

Ասկորբինաթթուն կարող է ազդել արյան և մեզի մեջ կրեատինինի, միզաթթվի և գլյուկոզայի կենսաքիմիական որոշման վրա:

Հատուկ հրահանգներ

Օրական 500մգ-ից ավելի դեղաչափ ընդունելիս հնարավոր է շաքարախտով հիվանդների գլյուկոզամիզության թեստի շեղում: Վիտամին C -Աստերիան չպետք է կիրառել կղանքում ամիններով պայմանավորված թաքնված արյան թեստը անցկացնելուց առաջ 48-72 ժ ընթացքում, քանի որ հնարավոր է կեղծ բացասական արդյունք:

Վիտամին C -Աստերիան կարող է փոխել արյան և մեզի մեջ կրեատինինի, գլյուկոզայի և միզաթթվի ցուցանիշները:

Չնայաց որ Օքսալաթթուն առաջանում է ասկորբինաթթվի մետաբոլիզմի արդյունքում, քիչ հավանական է, որ այն կառաջանա երկամային խնդիրներ այն առողջ անձանց մոտ, որոնք նախկինում երիկամային խնդիրներ կամ բյուրեղային ագրեգատների առաջացման նկատմամբ հակվածություն չեն ունեցել: Այն անձինք, որոնք նախկինում ունեցել են երիկամաքարային հիվանդություններ կամ երիկամային անբավարարություն, կրեատինի քանակը շիճուկում ավելին է 2-ից և կրեատինի կլիրենսը ցածր է 30 ից պետք է զգուշորեն կիրառեն Վիտամին C-Աստերիայի մեծ չափաբաժինները:

Ասկորբինաթթուն մասնակցում է երկաթի ներծծմանը և տրանսպորտին: Քիչ հավանական է, որ մարդիկ, ովքեր կիրառում են հավելյալ Վիտամին C կունենան խնդիրներ երկաթի կոնցենտրացիայի ավելցուկի հետ: Մյուս կողմից թալասեմիա, անեմիա, սիդերոբլաստային անեմիա, հեմոքրոմատոզ, մանգաղային բջիջների անեմիա, էրիթրոցիտների G6PD անբավարարությամբ հիվանդները կարող են ունենալ նմանատիպ խնդիր, եթե կիրառեն մեծ քանակությամբ Վիտամին C:

Թողարկման ձև

10 դեղահատեր 1 բլիստերում, 10 բլիստեր տուփում:

Պահման պայմաններ

Պահել 25°C ոչ բարձր ջերմաստիճանում, լույսից պաշտպանված, երեխաների համար անհասանելի տեղում:

Պիտանիության ժամկետ

3 տարի։

Դեղը չի կարելի կիրառել տուփի վրա նշված պիտանիության ժամկետը լրանալուց հետո: 

Դեղատնից բացթողման կարգ 

Առանց դեղատոմսի: