Դեղի օգտագործման հրահանգ

Արտադրող

«Արսանիտ», Հայասատան։

Դեղաձև

Արտաքին օգտագործման լուծույթ:

Նկարագրություն

Դեղնավուն երանգի թափանցիկ թանձր հեղուկ՝ բնորոշ սուր հոտով։

Բաղադրություն

Ակտիվ նյութեր.

Մոզոլին — սալիցիլաթթու 100 գ

Մոզոլին 15 — սալիցինաթթու 150 գ

Մոզոլին 20 — սալիցինաթթու 200 գ

Օժանդակ նյութեր՝ Էլաստիկ կոլոդիոն մինչև 1000մլ (USP, XXII):

Դեղաբանական խումբ

Կերատոլիտիկ միջոց։

Դեղաբանական ազդեցություն

Տեղական օգտագործման դեպքում դեղամիջոցի փոքր քանակությունը ներծծվում է, ուստի դեղամիջոցի համակարգային ազդեցությունը նվազագույն է:

Կիրառման ցուցումներ 

Այն հանդիսանում է արտաքին օգտագործման լուծույթ և օգտագործվում է որպես տեղական կերատոլիտիկ միջոց՝ կոշտուկները հեռացնելու համար։

Հակացուցումներ 

Դեղամիջոցի բաղադրիչների հանդեպ անհատական գերզգայունություն։

Կիրառման եղանակը և դեղաչափերը

Փոքր քանակությամբ բարակ շերտ քսել անմիջապես կոշտուկի վրա։ Սպասել թաղանթի ձևավորմանը. 12 ժամ հետո փորձեք հեռացնել գոյացած թաղանթը` առանց մեծ ջանք գործադրելու (քանի որ երբեմն թաղանթը կարող է չհեռանալ):

Կրկնել ընթացակարգը 12 ժամ ընդմիջումով, մինչև կոշտուկի ամբողջությամբ անհետանալը: «Մոզոլին 10», «Մոզոլին 15» կամ «Մոզոլին 20» պետք է քսել օրական երկու անգամ՝ կոշտուկի ողջ մակերեսը բարակ շերտով ծածկող քանակով։ 

Հղիություն և կրծքով կերակրում 

Հղի և կերակրող մայրերի կողմից դեղամիջոցի օգտագործման դեպքում որևէ բացասական ազդեցություն քիչ հավանական է, քանի որ դեղը փոքր քանակությամբ ներծծվում է տեղային օգտագործման դեպքում:

Կողմնակի ազդեցույթուններ

Կոշտուկի հարող տարածքների մաշկի գրգռում, որն ուղեկցվում է մաշկի կարմրությամբ և ցավով, քորով, այրմամբ, մաշկային ցանով։

Երեխաների մոտ մաշկի անցանկալի ռեսակցիաների հավանականություն ավելի բարձր է, կապված նրանց մաշկի բարձր ներծծման հետ: 

Դեղային փոխազդեցություն 

Ներկայումս դեղային փոխազդեցության մասին տվյալներ չկան:

Հատուկ հրահանգներ

Խստիվ արգելվում է դեղը կիրառել առողջ մաշկի մակերեսին։

Չպետք է կիրառել դեղը բորբոքված, վարակված կամ վնասված մաշկի մակերեսին:

Չի կարել օգտագործեք դեղը հերմետիկ վիրակապի տեսքով:

Խուսափել դեղը աչքերի մեջ լցվելուց և լորձաթաղանթների հետ շփումից, մասնավորապես բերանի խոռոչի և մաշկի հետ շփումից:

Դեղը չի կարելի քսել մազոտ գորտնուկներին, դեմքի և սեռական օրգանների գորտնուկներին, ինչպես նաև բնածին հետքերին և խալերին:

Թողարկման ձև

10 մլ, 15 մլ, 20 մլ սրվակների մեջ:

Պահման պայմաններ

Դեղը պետք է պահվի հրդեհից հեռու, արտադրողի կողմից արտադրված փաթեթներում, 25 ° C-ից ոչ ավելի ջերմաստիճանում, երեխաների համար անհասանելի վայրում:

Պիտանիության ժամկետ

3 տարի։ Չօգտագործել տուփի վրա նշված պիտանիության ժամկետից ուշ։

Դեղատնից բացթողման կարգ 

Առանց դեղատոմս։