Օգտագործման հրահանգ

Արտադրող

«Երևանի քիմիա-դեղագործական ֆիրմա» ԲԲԸ, Հայաստան:

Դեղաձև

Ներարկման լուծույթ։

Նկարագրություն

Լուծույթն իրենից ներկայացնում է անգույն թափանցիկ հեղուկ, որի pH-ը տատանվում թ 6,5-8,5 սահմաններում։

Բաղադրություն Կոֆեին-նատրիումի բենզոատ

Ներարկման 10% կամ 20% լուծույթի 1 մլ-ը պարունակում է.

Ակտիվ նյութեր՝  կոֆեին նատրիումի բենզոնատ համապատսախանաբար՝ 100մգ կամ 200մգ:

Օժանդակ նյութեր՝ ներարկման ջուր մինչև 1 մլ։

Դեղաբանական ազդեցությունը

Դեղաբանական խումբ․ Հոգեխթանիչ, անալեպտիկ։

Դեղադինամիկա

Արդյունավետությունը պայմանավորված է կոֆեինով, որը քսանտինների ածանցյալ է և ունի թեոբրոմինի և թեոֆիլինի նման դեղաբանական ազդեցություն։ Խթանիչ ազդեցություն է թողնում գլխուղեղի կեղևի, շնչական կենտրոնի, մեծ դեղաչափերով՝ անոթաշարժիչ կենտրոնի վրա։ Հատկապես կարգավորում և ուժեղացնում է գլխուղեղի կեղևում և շնչական կենտրոնում դրդման պրոցեսները, ակտիվացնում գլխուղեղի կեղևում և շնչական կենտրոնում դրական դրդումները, խթանում դրական պայմանական ռեֆլեքդները, շարժողական ակտիվությունը, մտավոր ու ֆիզիկական աշխատունակությունը, հաճախացնում և խորացնում է շնչառությունը։ ԿՆՖ-ի վրա կոֆեին ազդեցությունը զգալիորեն կախված է դեղաչափից և բուժվողի նյարդահամակարգի տեսակից։ 

Փոքր դեղաչափերով գերակշռում է խթանիչ, մեծ դեղաչափերով՝ ընկճող ազդեցությունը։ Դրական ինոտրոպ ազդեցություն է թողնում սրտամկանի և դրական քրոնոտրոպ ազդցեություն՝ սինուս-նախասրտային հանգույցի վրա, այսինքն՝ անցողիկ կերպով մեծացնում է արտի կծկումների ուժն ու հաճախությունը (կոֆեինի մեծ դեղաչափերը հրահրում են արագասրտություն, էքստրասիստոլիա՝ ընդհուպ մինչև փորոքային ռիթմաշեղման այլ տեսակների զարգացումը), խթանում է սրտի արտամղումը և աշխատանքը։ Նատրիումի կոֆեին-բենզոատի գերճնշումածին ազդեցությունը հասունանում է միայն դրա մեծ դեղաչափերից։

Խթանում է ստամոքսի առպատային բջիջներից ստամոքսահյութի արտազատումը, օժտված է չափավոր միզամուղ ազդեցությամբ, խթանում է գլիկոգենոլիզն ու լիպոլիզը։ Սակայն առողջների արյան մեջ գլյուկոզի և լիպիդների մակարդակի աճը էական չէ։

Դեղակինետիկա

Ներքին ընդունման դեպքում ՍԱՀ-ից հեշտությամբ ներծծվում է, հարմարսողական ներմուծման դեպքում՝ դանդաղ։ Արագ տեղաբաշխվում է բոլոր հյուսվածքներում, հեշտությամբ թափանցում է արյունուղեղային և ընկերքային պատնեշներով։ Փոքր քանակներով հայտնաբերվում է կրծքի կաթի մեջ։ Կիսադուրսբերման փուլը մեծերի օրգանիզմում 3-7 ժամ է, նորածինների օրգանիզմում՝ ավելի երկար։ Ենթարկվում է կենսաձևափոխման հիմնականում լյարդում օրքսիդանալու, մեթիլանալու և ացետիլանալու ուղիով։ Մեծերի օրգանիզմից արտազատվում է երիկամներով, հիմնականում՝ նյութափոխանակության արգասիքների ձևով, մոտավորապես 10%-ը անփոփոխ ձևով։

Կիրառման ցուցումներ 

ԿՆՖ-ի, շնչահամակարգի ֆունկցիայի ընկճում (թմրաբեր ցավազերծիչներով, քնաբերներով, ալկոհոլով թունավորում, էլէկտրական հոսանքահարում)։

Հակացուցումներ 

Գերզգայնություն դեղի բաղադրամասերի նկատմամբ, էպիլեպսիա և ցնցումային հոգեխանգարումների հակվածություն, գերդրդվածություն, անքնություն, արտահայտված զարկերակային գերճնշում, սիրտանոթային համակարգի օրգանական հիվանդություններ (նաև՝ աթեոսկլերոզ), պարոքսիզմալ տախիկարդիա, փորոքային հաճածակի էքստրասիստոլիա, ծերունական տարիք, գլաուկոմա, մինչև 2 տարեկան երեխաներ։

Հղիություն և կրծքով կերակրում 

Հղիների համար դեղի անվտանգության մասին տվյալներ չկան, ուստի կիրառումը հնարավոր է միայն կենսական ցուցումներով։

Կիրառման եղանակը և դեղաչափերը

Մեծերին՝ ենթամաշկային, միջմկանային ներարկումներ 10% կամ 20% լուծույթի 1 մլ։ Ներարկման հաճախությունը օրական 2-3 անգամից ավել չէ։ Մեծերի համար բարձրագույն դեղաչափերն են՝ միանվագ 0,4 գ (10% լուծույթի 1 մլ կամ 20% լուծույթի 2 մլ), օրական՝ 1գ (10% լուծույթի 10 մլ կամ 20% լուծույթի 5մլ)։

Երեխաներին՝ ենթամաշկային, միջմկանայինի ներարկումներ 8մգ/կգ հաշվարկով կամ 250 մգ/մ², անհրաժեշտության դեպքում՝ յուրաքանչյուր 4 ժամը 1 անգամ։

Կողմնակի ազդեցույթուններ 

ԿՆՖ—ի՝ քնի խանգարում, դրդվածություն, անհանգստություն։

Սիրտանոթային համակարգի՝ արագասրտություն, ռիթմաշեղում։

Ստամոքսաղիքային համակարգի՝ սրտխառնոց, փսխում, փորլուծություն, որովայնացավ։

Գերդեղաչափում 

Ախտանիշներ

Ախտանիշներն են՝ դրդվածությունը, գլխապտույտը, պուլսի և շնչառության հաճախացումը, տախիառիթմիան, փսխումն ու ցնցումները։

Բուժում 

Բուժումն ախտանշային է և աջակցող՝ թթվածնահագեցում, դիազեպամի կամ ֆենոբարբիտալի ներերակային ներարկում։

Փոխազդեցություններ այլ դեղերի հետ 

Կոֆֆեինն ուժեղացնում է բռտա-ադրենաբնույթ ակտիվությամբ դեղերի ինոտրոպ ազդեցությունը։

Նատրիում կոֆեին-բենզոատի մեծ դեղաչափերի և ՄԱՕ-ի արգելակիչների՝ ներառյալ պրոկարբազինի և սելեգիլինի հետ միաժամանակ կիրառումից հնարավոր է վտանգավոր ռիթմաշեղման կամ կոֆեինի սիմպաթախթանիչ ազդեցությունների ուժեղացման արդյունքում՝ արտահայտված գերճնշման զարգացումը։

ԿՆՀ-ընկճող այլ դեղերի հետ միաժամաանկ ընդունման դեպքում հնարավոր է ԿՆՀ-ի խթանումը՝ ընդհուպ մինչև ռիթմաշեղման ու ցնցումների զրգացումը։

Միաժամանակ կիրառումից թուլանում է քնաբերների և թմրաբերների և ուժեղանում՝ ցավազերծիչ-տենդամարիչների, ացետիլսալիցիլաթթվի, սալիցիլամիդի, կետոպրոֆենի և այլ ոչ թմրաբեր ցավազերծիչների ազդեցույթունը։

Միաժամանակ կիրառման արդյունքում մեթօքսալենը նվազեցնում է կոֆեինի դուսբերումը՝ հանգեցնելով դրա ազդեցության ուժեղամանը և թունային ազդեցության հասունացմանը։

Ֆենիտոյինի, բարբիտուրատների (ֆենոբարբիտալ) միաժամանկ կիրառման դեպքում, դրանց ներգործությամբ լյարդի միկրոսոմային ֆերմենտների մակածման արդյունքում արագանում է կոֆեինի նյութափոխանակությունն ու դուրսբերումը։

Ցիմետիդինը նվազեցնում է լյարդում կոֆեինի նյութափոխանակությունը՝ հանգեցնելով արյան մեջ դրա կտության աճին և կողմանկի ազդեցությունների ուժեղացմանը։

Ֆլուկոնազոլն ու տերբինաֆինը արյան պլազմյում կոֆեինի խտությունը չափավոր են բարձրացնում, կետոկոնազոլը՝ քիչ արտահայտված ձևով։

Այնպիսի հակամանրէային դեղերի հետ միաժամանակ կիրառման դեպքում, ինչպիսին են էնօքսացինը, ցիպրոֆլօքսացինը, պիպեմիդաթթուն, երկարում է կոֆեինի կիսադուրսբերման փուլն, ու թուլանում զտումը, ավելի պակաս արտահայտված փոփոխություններ կատարվում են պեֆլօքսացինով, նորֆլօքսացինով, ֆլերօքսացինով կոֆեին ընդունելիս։

Էրգոտամինի հետ միաժամանակ կիրառելիես արագանում է դրա ներծծումը։

Կոֆեինը խթանում է լիթիումի զտումն ու բարձրացնում արյան մեջ դրա խտությունը։

Կիրառման հատուկ հրահանգներ և նախազգուշացումներ

Տևական կիրառման արդյունքում կարող է զարգանալ հոգեբանական կախյալություն։ Նատրիումի կոֆեին-բենզոատ ընդունելիս պետք է բացառել սուրճը, թունդ թեյն ու մյուս առույգացնող ըմպելիքները։

Կոֆեինի ներմուծման կտրուկ դադարեցումը կարող է հանգեցնել ԿՆՀ-ի հոգնածության քնկոտության և անկումայնության (դեպրեսիա) դրսևորումներով արգելակման։ 

Կարող է զարգանալ կոֆեինի միզամուղ, սիրտանոթային ԿՆՀ-ի վրա ներգործող ազդեցության հանդեպ ընտելացում։

Թողարկման ձև

10% կամ 20% ներարկման լուծույթով 1 մլ 10-ական ամպուլներ՝ միջնորմով և հատուկ բնիկներով ստվարաթղթե տուփի մեջ։

Պահման պայմաններ

Լույսից պաշտպանված, երեխաներին անհասանելի տեղում +15°C-ից +25°C ջերմաստիճանի պայմաններում։

Պիտանիության ժամկետ

6 տարի։

Դեղատնից բացթողման կարգ 

Դեղատոմսով։