Օգտագործման հրահանգ

Արտադրող

«Մեդիկալ Հորիզոն» ՍՊԸ,  Հայաստան:

Դեղաձև

Ուղիղաղիքային մոմիկներ։

Բաղադրություն

Յուրաքանչյուր մոմիկ պարունակում է․

Ակտիվ նյութեր՝ 80մգ, 150մգ և 325մգ ակտիվ բաղադրատարր պարացետամոլ։ 

Օժանդակ նյութեր՝ կիսասինթետիկ գլիցերիդներ։

Դեղաբանական խումբ

Ոչ ստերոիդային հակաբորբոքային դեղեր:

Դեղաբանական ազդեցությունը

Պարացետամոլը պարա-ամինոֆենոլի ածանցյալն է, օսժտված է ցավազրկող ու ջերմիջեցնող ազդեցւթյամբ և թույլ արտահայտված հակաբորբոքային ակտիվությամբ։

Ցավազրկող ազդեցության մեխանիզմն ամբողջովին հայնաբերված չէ, սակայն հնարավոր է պրոստագլանդինների սինթեզի ընկճումը գլխավորապես ԿՆՀ-ում, որով էլ պայմնավորված է ցավազրկող ու ջերմիջեցնող ազդեցությունը։

Պարացետամոլը գերադասելի ընտրության ցավազրկող ու ջերմիջեցնող դեղ է հատկապես սալցիլատների և այլ ՈՍՀԴ-երի հակացուցմամբ երեխաների համար (Ռեյի համախտանիշի վտանգից ելնելով)։ Ասպիրինից ավելի պակաս է գրգռում ստամոքսի լորձաթաղանթը։ Ի տարբերություն ասպիրինի՝ չի ազդում թրոմբոցիտների ագրգացիայի և արյունահոսության տևողության վրա։ Սովորաբար լավ է տարվում ասպիրինի հանդեպ գերզգայուն հիվանդների կողմից։

Դեղակինետիկա

Պարացետամոլը լավ է ներծծվում ինչպես ներքին ընդունման, այնպես էլ ուղիղաղիքային կիրառման դեպքում։ Արյան մեջ առավելագույն խտություն ապահովվում է մոմիկի ներդնելուց հետո մոտավորապես 2-3 ժամ անց։ Կիսադուրսբերման փուլը տատանվում է 1-ից մինչև 3 ժամ։ Նյութափոխանակվում է առավելապես լյարդում և արտազատվում մեզով՝ գլյուկուրոնիդային և սուլֆատային լծորդիչների ձևով։ 5%-ից պակաս արտազատվու է անփոփոխ ձևով։

Կիրառման ցուցումներ 

• որպես ջեմիջոցնող միջոց սուր ռեսպիրատոր հիվանդությունների, գրիպի, մանկական վարակների և այլ բորբոքային հիվանդությունների ժամանակ, որոնք ուղեկցվում են ջերմության բարձրացումով, վակցինացիաներից հետո
• որպես ցավազրկող՝ թույլ և չափավոր ցավ (գլխացավ, ատամնացավ, մկանային ցավ, նևրալգիաներ, տրավմատիկ ցավերի ժամանակ)

Ցետտամոլ մոմիկները կիրառելի են հատկապես պարացետամոլի ներքին ընդունման ձևերն օգտագործել չկարողացող երեխաների համար, հատկապես հետվիրահատական փուլում կամ սրտխառնոցի ու փսխման դեպքում։ 

Հակացուցումներ 

• գերզգայնություն պարացետամոլի կամ օժանդակ բաղադրամասերից որևէ մեկի հանդեպ
• բրոնխային ասթմա, անամնեզում ալերգիա
• պեպտիկ խոց, ստամոքսաղիքային արյունահոսություններ
• գլյուկոզո-6-ֆոսֆատդեհիդրոգենազի պակասորդ
• լյարդի և երիկամների ֆունկցիայի ծանր խանգարումներ

Կիրառման եղանակը և դեղաչափերը

• 3-5 ամսական — 80մգ մոմիկներ
• 6 ամսականից 3 տարեկան — 150մգ մոմիկներ
• 4-10 տարեկան — 325 մգ մոմիկներ

Ցետամոլի ուղիղաղիքային մոմիկները ցանկալի է կիրառել մաքրող հոգնայից, կամ աղիների գործելուց հետո։ Ցետամոլի միջին միանվագ դոզան կախված է երեխայի մարմնի քաշից և կազմում ե 10-15 մգ/կգ մարմնի քաշին և կարելի է կրկնել օրը 3-4 անգամ։ Օրական մաքսիմալ դոզան չպետք է գերազանցի 60մգ/կգ մարմնի քաշի։ Նշված դեղաչափի կիրառումը կարելի է կրկնել յուրաքանչյուր 4-6 ժամը 1 անգամ, բայց ոչ՝ 4 անգամից ավել։

Տենդի դեպքում չկիրառել 3 օրից, իսկ ցավը մեղմացնելու համար՝ 5 օրից ավել։

3 ամսականից փոքր մանկիկների համար կիրառել միայն բժշկի նշանակմամբ։

Չգերազանցել նշված դեղաչափը։

Կողմնակի ազդեցույթուններ 

Բուժական դեղաչափերի դեպքում կողմնակի ազդեցությունները հազվադեպ են և քիչ արտահայտված։ Տեղեկություններ են եղել սրտխառնոցի, փսխման, ստամոքսի ցվի, արյունային ռեակցիանեերի (թրոմբոցիտոպենիա, նեյտրոպենիա, լեյկոպենիք, ագրանուլոցիտոզ) մասին։ Երբեմն տեղ են գտնում մաշկի կարմրությունը, եղնջացանն ու գերզգայնության այլ ռեակցիաներ։

Գերդեղաչափում 

Գերդեղաչափման ախտանիշներն են՝ առաջին 24 ժամվա ընթացքում գունատությունը, սրտխառնոցը, փսխումը, ախորժակի կորուստը և որովայնային ցավը։ Լյարդի ախտահարումն ակնհայտ է դառնում մեծ դեղաչափերի ներմուծումից 12-48 ժամ հետո, իսկ կլինիկական ախտանիշներն ավելի արտահայտվում են 4-6 օր անց։ Կարևոր է գերդեղաչափումը կարգավորող անհրաժեշտ միջոցառումների անհապաղ ձեռնարկումը։

Չնայած վաղ ախտանիշների քիչ արտահայտված լինելուն՝ անհրաժեշտ է հիվանդին շտապ տեղափոխել հիվանդանոց։ Ացետիլցիստեին ու մեթիոնին հակաթույները լյարդը պահպանում են գերդեղաչափումից հետո մինչև 10-12 ժամվա ընթացքում կիրառման դեպքում։ Ացետիլցիստեինի արդյունավետությունը կարող է պահպանվել 24 ժամ գերդեղաչափումից հետո։ Պետք է ձեռնարկվեն նաև ընդհանուր օժանդակ բուժամիջոցառումներ։ 

Դեղային փոխազդեցություն 

Վարֆարինի և այլ կումարինների հակամակարդչային ազդեցությունը կարող է ուժեղանալ պարացետամոլի տևական կանոնավոր կիրառման դեպքում, որից աճում է արյունահոսության վտանգը։ Հազվադեպ կիրառումը զգալի ազդեցություն չի թողնում։ Լյարդի միկրոսոմային ֆերմենտների ակտիվությունը խթանող միջոցները, օրինակ՝ ալկոհոլն ու բարբիտուրատները (ինչպես նաև այլ հակացնցումային դեղերը) բարձրացնում են պարացետամոլի լյարդաթունանյությունը հատկապես գերդեղաչափման դեպքում։ Ենթադրվում է, որ այդ հատկությամբ մյուս միջոցները, օրինակ՝ ռիֆամպիցինն ու սրոհունդը կարող են իջեցնել պարացետամոլի խտությունը։

Հատուկ հրահանգներ

Ցետամոլ մոմիկները չպետք է միաժամանկ կիրառվեն պարացետամոլ պարունակող այլ ցավազրկողների հետ։ Երիկամային և լյարդային անբավարարությամբ հիվանդները ելնելով լյարդա- և երիկամաթունանյության վտանգի մեծացոըւմից, պետք է զգուշությամբ կիրառեն։

3-5 օրից ավել պահպանվող ախտանիշների դեպքում դիմեք բժշկին։

3 ամսականից փոքր մանկիկների համար կիրառել միայն բժշկի նշանակմամբ։

Չկիրառել փորլուծության դեպքում։

Թողարկման ձև

10-ական մոմիկով ստվարաթղթե փաթեթավորումներ։

Պահման պայմաններ

Պահպանել 25°C-ից ոչ բարձր ջերմաստիճանի պայմաններում: Չսառեցնել։

Պահել երեխաների համար անհասանելի տեղում: 

Պիտանիության ժամկետ

3 տարի: 

Դեղը չի կարելի կիրառել տուփի վրա նշված պիտանիության ժամկետը լրանալուց հետո: 

Դեղատնից բացթողման կարգ 

Բաց է թողնվում առանց դեղատոմսի: