Օգտագործման հրահանգ

Արտադրող

Մեդիկալ Հորիզոն ՍՊԸ, ՀՀ:

Դեղաձև

Ներքին ընդունման լուծույթ։

Նկարագրություն

Անգույնից մինչև դարչնագույն դեղին, թափանցիկ մածուցիկ հեղուկ։

Բաղադրություն

Դեղի լուծույթի 5 մլ-ը պարունակում է.

Ակտիվ նյութեր՝  լակտուլոզա 3,35 գ:

Օժանդակ նյութեր՝ մենթոլ։

Արտադրական գործընթացների արդյունքում այն կարող է պարունակել նաև շաքարներ՝ լակտոզա, գալակտոզա և ֆրուկտոզա:

Դեղաբանական ազդեցությունը

Դեղաբանական խումբ․ Օսմոտիկ լուծողական։

Կիրառման ցուցումներ 

Լաքսալակ դեղը ցուցված է. 

• փորկապության
• լյարդային էնցեֆալոպաթիայի, լյարդային կոմայի բուժման համար

Հակացուցումներ 

Լաքսալակը հակացուցված է հետևյալ դեպքերում.

• գերզգայունություն ակտիվ բաղադրատարրի կամ որևէ օժանդակ նյութի նկատմամբ 
• գալակտոզեմիա
• ստամոքս-աղիքային անանցանելիություն, մարսողական թափածակում կամ մարսողական թափածակման ռիսկ

Հղիություն և կրծքով կերակրում 

Քանի որ լակտուլոզայի համակարգային ազդեցությունն աննշան է, հղիության ընթացքում որևէ ազդեցություն չի ակնկալվում: Հետևաբար, Լաքսալակ դեղը կարելի է կիրառել հղիության ընթացքում:  

Կրծքով կերակրման շրջան 

Քանի որ կրծքով կերակրող կանանց շրջանում լակտուլոզայի համակարգային ազդեցությունն աննշան է, ապա կրծքով կերակրվող նորածինների/երեխաների վրա որևէ ազդեցություն չի ակնկալվում: Հետևաբար, Լաքսալակ դեղը կարելի է կիրառել կրծքով կերակրման շրջանում:  

Վերարտադրողականություն 

Քանի որ լակտուլոզայի համակարգային ազդեցությունն աննշան է, որևէ ազդեցություն չի ակնկալվում:

Կիրառման եղանակը և դեղաչափերը

Լաքսալակ դեղի լուծույթը օգտագործում են նոսրացնելուց հետո կամ առանց նոսրացնելու: Անհրաժեշտության դեպքում յուրաքանչյուր դեղաչափ ընդունում են ջրով կամ մրգահյութերով և այլ հեղուկներով:

Դեղի յուրաքանչյուր դեղաչափի լուծույթ պետք է միանգամից կուլ տալ՝ երկար չպահելով բերանի մեջ:

Դեղաչափը պետք է ճշգրտել պացիենտի անհատական կարիքների համաձայն: 

Օրական միանվագ դեղաչափ ընդունելու դեպքում այն պետք է ընդունել միևնույն ժամանակ, օրինակ՝ նախաճաշի ընթացքում: 

Լուծողական դեղերով բուժման ընթացքում խորհուրդ է տրվում օրվա ընթացքում խմել բավարար քանակությամբ հեղուկ (1,5–2 լիտր, որը հավասար է 6-8 բաժակ ծավալին): 

Շշալցված լակտուլոզայի համար օգտագործվում է չափիչ բաժակ: 

Դեղաչափը փորկապության դեպքում

Լակտուլոզայի օրական դեղաչափը կիրառվում է միանվագ կամ այն բաժանվում է երկու դեղաչափի՝ օգտագործվելով չափիչ բաժակը: 

Բուժումը սկսելուց մի քանի օր անց՝ բուժման արդյունքների հիման վրա, կարելի է մեկնարկային դեղաչափը ճշգրտելով որոշել պահպանողական դեղաչափը: 

Հնարավոր է բուժական արդյունավետությունը դրսևորվի բուժումը սկսելուց մի քանի օր (2-3 օր) հետո: 

Նորածինների և մինչև 7 տարեկան երեխաների համար ճշգրիտ դեղաչափման համար անհրաժեշտ է օգտագործել շշալցված լակտուլոզան:

Դեղաչափը՝ լյարդային էնցեֆալոպաթիայի դեպքում (միայն չափահասների համար)

Մեկնարկային դեղաչափը 30-45 մլ (5 մլ լիքը լցված 6-9 թեյի գդալ) է, որն ընդունվում է օրական 3-4 անգամ: Այս դեղաչափը ճշգրտելով՝ անհրաժեշտ է որոշել օրական 2 կամ 3 անգամ փափուկ կղազատում ապահովող պահպանողական դեղաչափը:  

Երեխաներ․ Լյարդային էնցեֆալոպաթիա ունեցող երեխաների (նորածիններ և մինչև 18 տարեկան) շրջանում դեղի անվտանգությունը և արդյունավետությունը հաստատված չէ: Առկա չեն տվյալներ:  

Տարեցներ և երիկամային կամ լյարդային անբավարարություն ունեցող պացիենտներ․ Այս խմբի պացիենտների համար չկան հատուկ խորհուրդներ դեղաչափի վերաբերյալ, քանի որ լակտուլոզայի համակարգային ազդեցությունն աննշան է:

Կողմնակի ազդեցույթուններ 

Բուժման առաջին մի քանի օրվա ընթացքում կարող է առաջանալ մետերոիզմ (փքվածություն): Որպես կանոն, այն անհետանում է մի քանի օր անց: Երբ կիրառում են ցուցված դեղաչափից բարձր դեղաչափեր, կարող են առաջանալ որովայնի ցավ և փորլուծություն: Նման դեպքում դեղաչափը պետք է նվազեցնել: 

Եթե երկարատև կիրառում են բարձր դեղաչափեր (սովորաբար միայն լյարդային էնցեֆալոպաթիայի բուժման դեպքում), ապա առաջացող փորլուծության արդյունքում զարգանում է էլեկտրոլիտների հավասարակշռության խախտում: Նման դեպքում դեղաչափը պետք է ճշգրտել` օրական երկու կամ երեք անգամ ձևավորված կղազատում ապահովելու համար: 

Գերդեղաչափում 

Չափազանց բարձր դեղաչափ կիրառելու դեպքում կարող է առաջանալ հետևյալ ախտանիշերը՝ փորլուծություն, էլեկտրոլիտների կորուստ և ցավ որովայնում: 

Բուժում 

Դադարեցնում են բուժումը կամ նվազեցնում դեղաչափը: 

Փորլուծության կամ փսխման արդյունքում հեղուկի մեծ ծավալի կորստի դեպքում կարող է պահանջվել էլեկտրոլիտների հավասարակշռության խախտման շտկում:

Հատուկ հակաթույն չկա: Պետք է իրականացնել ախտանիշային բուժում:

Փոխազդեցություններ այլ դեղերի հետ 

Այլ դեղերի հետ փոխազդեցության վերաբերյալ հետազոտություններ չեն իրականացվել:  

Կիրառման հատուկ հրահանգներ և նախազգուշացումներ

Բուժումը սկսելուց առաջ անհրաժեշտ է գնահատել որովայնային անհայտ ծագումով ցավոտ ախտանիշները` չախտորոշված թափածակումը կամ նեղացումը կամ նշված վիճակներին նպաստող չախտորոշված հիվանդությունը/վիճակը բացառելու համար:

Բուժումը սկսելուց մի քանի օր անց՝ անբավարար բուժական արդյունքի դեպքում, անհրաժեշտ է վերանայել դեղաչափը և/կամ դիտարկել լրացուցիչ միջոցառումերի իրականացումը:

Լակտուլոզան պետք է զգուշությամբ կիրառել լակտոզայի անտանելիություն ունեցող պացիենտների շրջանում (տես օժանդակ նյութերի ցանկը): 

Շաքարային դիաբետ ունեցող պացիենտների շրջանում փորկապության դեպքում սովորաբար կիրառվող դեղաչափը խնդիրներ չի առաջացնում: 

Լյարդային էնցեֆալոպաթիայի բուժման ընթացքում լակտուլոզայի կիրառվող դեղաչափը սովորաբար շատ ավելի բարձր է, և անհրաժեշտ է հաշվի առնել այս հանգամանքը շաքարային դիաբետ ունեցող պացիենտների շրջանում կիրառելու դեպքում: 

Չկարգավորված դեղաչափերով լակտուլոզայի երկարատև օգտագործումը և չարաշահումը կարող են առաջացնել փորլուծություն և էլեկտրոլիտների հավասարակշռության խախտում: 

Պետք է հաշվի առնել, որ բուժման ընթացքում կղազատման ռեֆլեքսը կարող է խանգարվել: 

Լաքսալակ դեղը պարունակում է լակտոզա, գալակտոզա և քիչ քանակով՝ ֆրուկտոզա: Գալակտոզայի և ֆրուկտոզայի հազվադեպ ժառանգական անտանելիություն, Lapp-լակտազա ֆերմենտի անբավարարություն կամ գլյուկոզայի և գալակտոզայի մալաբսորբցիայի համախտանիշ ունեցող պացիենտները չպետք է կիրառեն այս դեղը:

Ազդեցությունը փոխադրամիջոցներ վարելու և սարքավորումների հետ աշխատելու կարողությունների վրա 

Լակտուլոզան չի ազդում փոխադրամիջոցներ վարելու և սարքավորումների հետ աշխատելու կարողության վրա կամ այդ ազդեցությունն աննշան է: 

Թողարկման ձև

100 մլ ապակե շիշ, 200 մլ, 250 մլ և 500 մլ պոլիէթիլենայի շշեր:

Դեղի մեկ շիշը չափիչ բաժակի և ներդիր-թերթիկի հետ տեղադրված է ստվարաթղթե տուփի մեջ: 

Պահման պայմաններ

Պահել 25°C-ից ցածր ջերմաստիճանի պայմաններում՝ արևի ուղիղ լույսից պաշտպանված տեղում:  

Պահել երեխաների համար անտեսանելի և անհասանելի տեղում։ 

Պիտանիության ժամկետ

Դեղի պիտանիության ժամկետը 3 տարի է՝ չվնասված բնօրինակ փաթեթում, 25°C-ից ոչ բարձր ջերմաստիճանի պայմաններում պահելու դեպքում:

Դեղը չի կարելի կիրառել տուփի վրա նշված պիտանիության ժամկետը լրանալուց հետո:

Դեղատնից բացթողման կարգ 

Բաց է թողնվում առանց դեղատոմսի։