Դեղի օգտագործման հրահանգ
Արտադրող
Esensa, Սերբիա։
Դեղաձև
Պաստեղներ։ 1 պաստեղի միջին զանգվածը կազմում է 1300 մգ։
Քաֆ ֆորտե բաղադրություն
| Ակտիվ բաղադրիչներ | 100 գ արտադրանը պարունակում է | 1 պաստեղը պարունակում է |
| Չոր լորենու ծաղիկների էքստրակտ (10։1) | 0․77 գ | 10 մգ |
| Նատրիումի ուսնատ | 0․0077 գ | 0․1 մգ |
Օժանդակ նյութեր՝ քաղցրացուցիչ — սորբիտոլ, դեքստրոզի մոնոհիդրատ, կայունացուցիչ՝ մագնեզիումի ստերտատ, թթվայնության կարգավորիչ՝ կիտրոնաթթու, կայունցուցիչներ՝ սիլիկոնային երկօքսիդ, տալց, եգիպտացորենի օսլա, հոտավետիչներ, քաղցրացուցիչ — ացեսուլֆամ K։
| Սննդային արժեքը | 100 գ արտադրանը միջինում պարունակում է | 1 պաստեղը միջինում պարունակում է |
| Էներգետիկ արժեքը (կՋ/կկալ) | 1081․45/257․5 | 14․1/3․3 |
| Ճարպեր (գ) | 1․55 | 0․02 |
| Ածխաջրեր (գ) | 10․30․ | 0․13 |
| Սպիտակուցներ (գ) | <0․10 | <0․01 |
Կիրառման ցուցումներ
Ցուցված է 12 տարեկանից։
- Կոկորդի բորբոքում
- Չոր հազ
- Խռպոտություն և չորություն բերանի խոռոչում և կոկորդում
- Մրսածություն և հարբուխ
- Լնդերի բորբոքում
- Տհաճ հոտ
Հակացուցումներ
Չի թույլատրվում օգտագործել բաղադրիչներից որևէ մեկի նկատմամբ անհատական զգայնության դեպքում։ Խորհուրդ չի տրվում երեխաներին, հղիներին, կերակրող կայրերին և լյարդի հիվանդությունների դեպքում։
Կիրառման եղանակը և դեղաչափերը
Օրական 4-6 պաստեղ։ Լուծվում է բերանի խոռոչում։
Օգտագործումից առաջ կարդացեք ներդիր թերթիկը։ Կենսաակտիվ հավելումները չեն հանդիսանում բազմատեսակ սննդի փոխարինող։ Խորհուրդ չի տրվում գերազանցել անհրաժեշտ օրական դեղաչափը։
Ազդեցություն
Դեմի քաֆ ֆորտե պաստեղները պարունակում են լորենու ծաղիկների չոր էքստրակտ և միզաթթվի նատրիումական աղ: Լորենու ծաղկի ներքին ընդունումը ցուցված է մրսածության և հազի դեպքում (բրոնխիտ): Լորենու ծաղիկը օգտագործվում է միգրենի, աթերոսկլերոտիկ հիպերտենզիայի, արյան շրջանառության խանգարման, կոճերի այտուցի, սիրտ-անոթային և մարսողական խնդիրների, միզասեռակական ուղիների ինֆեկցիաների բուժման ժամանակ: Լորենու ծաղիկների հանուկը պատում է կոկորդի լորձաթաղանթը (լորձի մեծ պարունակության շնորհիվ, որի մեջ գերակշռում են արաբինագալակտանները), հանգստացնում է վերին շնչառական ուղիների բորբոքային պրոցեսները և գրգռվածությունը: Միաժամանակ այն ավելացնում է քրտնարտադրությունը բարձր ջերմաստիճանի դեպքում, և այդ ճանապարհով հեռացնում է օրգանիզմից վնասակար նյութերը և նպաստում ավելի արագ առողջացմանը: Բացի այդ լորենու ծաղիկը ցուցաբերում է նաև լեղամուղ ազդեցություն, ինչպես նաև սպազմոլիտիկ:
Դեմի քաֆ ֆորտե պաստեղների երկրորդ բաղադրիչը նատրիումի ուսնատը (Usnea Diffracta Vain) քարաքոս է: Նատրիումի ուսնատը պատում է կոկորդի և բերանի խոռոչի լորձաթաղանթը` առաջացնելով պաշտապնիչ թաղանթ: Այն օժտված է հակաբակտերիալ հատկությամբ, իջեցնում է ինֆեկցիաների առաջացման հավանականությունը և տարածումը՝ չխախտելով բերանի խոռոչի և վերին շնչառական ուղիների բնական միկրոֆլորան: Նատրիումի ուսնատը ցուցաբերում է նաև հակաբորբոքային ազդեցություն, հանգստացնում է լնդերի բորբոքումը և վերացնում տհաճ հոտը:
Հատուկ հրահանգներ
Զգուշությամբ օգտագործել լեղաքարային հիվանդության կամ լեղապարկի այլ խնդիրների դեպքում։ Չափից ավելի օգտագործումը կարող է հանգեցնել լուծողական ազդեցության։
Պահման պայմաններ
Պահել չոր, մութ, մինչև 25°C-ից ջերմաստիճանի պայմաններում։ Պահել երեխաների համար անհասանելի վայրում։
Պիտանիության ժամկետ
3 տարի։
Դեղատնից բացթողման կարգ
Առանց դեղատոմս։
