Դեղի օգտագործման հրահանգ

Արտադրող

Մեդիքալ հորիզոն ՍՊԸ, Հայասատան:

Դեղաձև

Յուղ արտաքին և ներքին կիրառման համար , բանանի, անանուխի և բալի համերով:

Բաղադրություն

Գերչակի յուղ, բանանի բուրավետիչ։

100 մլ-ում․

• Յուղեր — 99․7 գ
• Սննդայն արժեքը — 897․3/3754 կկալ/կՋ

Դեղաբանական խումբ

Թուլացնող միջոց։

Դեղաբանություն

Բուսական ծագման լուծողական միջոց: Ներքին ընդունումից հետո բարակ աղիներում լիպազա ֆերմենտի ազդեցության տակ ենթարկվում է հիդրոլիզի առաջացնելով ռիցինոլաթթու, որն էլ գրգռելով աղիների ռեցեպտորները ակտիվացնում է կծկողունակությունը անբողջ աղեգալարում:

Կիրառման ցուցումներ 

• Ներքին ընդունման ձևով ցուցված է կիրառել սուր և խրոնիկական փորկապությունների ժամանակ:
• Նախա — և հետվիրահատական շրջանում։
• Դիագնոստիկ հետազոտություններին նախապատրաստելուց առաջ ` աղիները դատարկելու նպատակով :
• Արտաքին կիրառման ձևով օգտագործվում է մաշկային խոցերի, այրվածքների ժամանակ, մաշկի փափկեցման, նաև մազերի աճի լավացման համար:

Հակացուցումներ 

• Հակացուցված է հղիներին և կրծքի հասակի երեխաներին:
• Աղիների անանցանելիություն, անհայտ էթիոլոգիայի,թունավորումներ ճարպալույծ նյութերով (ֆոսֆոր, բենզոլ և այլն):
• Աղեստամոքսային համակարգի արյունահոսությունների ժամանակ:

Կիրառման եղանակը և դեղաչափերը

Մեծահասակներին ցուցված է կիրառել օրը 15-30մլ

Երեխաներին — 5-15մլ

Կիրառումը կոսմետոլոգիայում

Մազերի ամրացում

Առատ մազաթափության ժամանակ – Գերչակի յուղը խառնել հավասար քանակությամբ բժշկական սպիրտի հետ: Քսել մազերի արմատներին: 1-2ժամ հետո լվանալ գլուխը:

Ողողել քացախաջրով ` 1-2ճգդ քացախ ավելացնել 1լ ջրին:

Երեխաների մազերի վատ աճի ժամանակ

Շաբաթը 2 անգամ երեկոյան գերչակի յուղը քսել գլխամաշկին` մերսման միջոցով, գլխին հագնել որևէ գլխարկ: Առավոտյան լվանալ գլուխը: Կրկնել այնքան ժամանակ միչև նկատելի արդյունք լինի: Հետագայում մազերի լավ վիճակը կարելի է պահպանել նույն պրոցեդուրան կրկնելով ամիսը 1-2 անգամ:

Թարթիչներ

Հատուկ խոզանակի միջոցով կարելի երեկոյան քսել գերչակի յուղը թարթիչներին, որը թարթիչները կդարձնի ավելի երկար և խիտ: Կարելի է քսել նաև հոնքերին:

Գորտնուկների բուժում

Առավոտյան և երեկոյան քսել գորտնուկներին և տրորել 5 րոպեից ոչ պակաս, կիրառել մինչև գորտնուկների վերանալը:

Հատուկ ցուցումներ

Փորկապության ժամանակ գերչակի յուղը չի կարելի կիրառել 3 օրից ավելի անընդմեջ:

Ազդեցությունը սկսվում է 4-5 ժամ հետո, երբեմն ավելի շուտ:

Կողմնակի ազդեցույթուններ 

Երկարատև կիրառությունից հետո հնարավոր է աղիների ատոնիա:

Թողարկման ձև

Ֆլակոն 60մլ չափիչ բաժակով:

Պահման պայմաններ

5°C մինչև 25°C ջերմաստիճանի և 75%-ից ոչ ավելի օդի հարաբերական խոնավության պայմաններում։ Նշված պահպանման պայմաններում պահելու դեպքում, շիշը բացելուց հետո յուղը կարելի է կիրառել մինչև տուփի վրա նշված պիտանության ժամկետը։

Պիտանիության ժամկետ

3 տարի:

Դեղատնից բացթողման կարգ 

Առանց դեղատոմսի։