Օգտագործման հրահանգ
Արտադրող
“Մեդիկալ Հորիզոն” ՍՊԸ:
Դեղաձև
Ներքին ընդունման մանկական դեղակախույթ՝ նարնջի համով։
Իբուֆենի բաղադրություն
Յուրաքանչյուր 5 մլ պարունակում է.
Ակտիվ նյութեր՝ 100 մգ իբուպրոֆեն ազդող նյութ:
Օժանդակ նյութեր՝ պրոպիլեն գլիկոլ, գլիցերին, մեթիլպարաբեն, պրոպիլպարաբեն, սանսեթ դեղին, հեղուկ սորբիտ, պոլիսորբատ 80, նարնջի համային հավելում, սախարոզ, աէրոսիլ 200, քսանտան, մաքրված ջուր։
Դեղաբանական ազդեցությունը
Դեղաբանական խումբ․ Ոչ ստերոիդային հակաբորբոքային դեղեր
Դեղադինամիկա
Իբուպրոֆենը ինհիբացնում է պրոտոգլանդինների սինթեզը ցիկլոքսիգենազա ֆերմենտի ակտիվության նվազեցման հաշվին, ինչը հանգեցնում է պրոստագլանդինի պրեկուրսորների ձևավորման նվազեցմանը։ Իբուպրոֆենը ցուցաբերում է ցավազրկող և ջերմիջեցնող ազդեցություն, ռևմատոիդ արտրիտի (ներառյալ յուվենիլ ռևմատաբնույթ հոդաբորբ կամ Սթիլի հիվադություն), անկիլիզացնող սպոնդիլիտի, օսթեոարթրիտի և այլ ոչ ռևմատոիդ (սերոնեգատիվ) արթոպաթիաների բուժման ժամանակ։
Ոչ անոթային ռևմատոիդ հիվադությունների բուժման ժամանակ իբուպրոֆենը ցուցված է որոշակի դեպքերում, ինչպիսիք են մրսեցրած ուս (կապսուլիտ), բուրսիտ, տենդինիտ, տենոսինովիտ և ողնաշարի ցավեր։ Իբուպրոֆենը կարող է օգտագործվել նաև փափուկ մկանների վնասվածքների դեպքում, օրինակ հյուսվածքների լարվածություն և դեֆորմացիա։ Իբուպրոֆենի ցավազրկող ազդեցությունը կիրառվում է չափավոր ցավերի, օրինակ դիսմենորիայի, ատամի և հետվիրահատական ցավերի և գլխացավերի թեթևացման ժամանակ, ներառյալ միգրենի ցավերի։ Իբուպրոֆենը ցուցված է նաև որպես ջերմիջեցնեղ, հատկապես երեխաների համար։
Դեղակինետիկա
Իբուպրոֆենը ներծծվում է ստամոքս-աղիքային տրակտից և մաքսիմում կոնցենտրացիան արյան պլազմայում առաջանում է ընդունումից 1-2 ժամ հետո։ Իբուպրոֆենը ներծծվում է նաև ուղիղաղիքային ընդունումից հետո։ Մաշկի վրա տեղային կիրառումից հետո նկատվում է որոշակի ներծծում։ Օրինակ որոշ արտադրողներ հայտնում են, որ տեղային կիրառման գելի ներմաշկային ներծծումը կազմում է ներքին ընդունման դեղաձևի ներծծման 5%-ը։
Իբուպրոֆենը 90-99% կապված է պլազմայի սպիտակուցների հետ և պլազմայում կիսատրոհման ժամանակը կազմում է 2 ժամ։ Արագ արտազատվում է մեզով հիմնականում մետաբոլիտների և կոնյուգատների ձևով։ Մոտավոր 1 % արտազատվում է մեզով, չձևափոխված իբուպրոֆենի ձևով և մոտավոր 14 % կոնյուգացված իբուպրոֆենի ձևով։
Կրծքի կաթի մեջ կարող է հայտնաբերվելաննշան քանակներով։
Կիրառման ցուցումներ
Իբուֆեն դեղակախույթ ցուցված է կիրառել 6 ամսականից 12 տարեկան երեխաներին, իսկ 3-6 ամսական երեխաներին՝ միայն բժշկի ցուցումով՝ հաշվի առնելով երեխայի մարմնի քաշը՝ 5 կգ-ից ոչ պակաս.
- Որպես ջերմիջեցնող՝ սուր շնչառական հիվանդությունների, գրիպի, մանկական վարակների ժամանակ, հետպատվաստումային շրջանում և տարբեր հիվանդությունների ժամանակ, որոնք ուղեկցվում են ջերմության բարձրացումով
- Որպես ցավազրկող՝ թույլ և չափավոր ցավի ժամանակ, օր․՝ ատամների ծկլթում, գլխացավ, ատամնացավ, ականջացավ, կոկորդի ցավ, տարբեր տիպի տրավմատիկ և հետվիրահատական շրջանի ցավեր, նևրալգիաներ և միգրեն
- Որպես հակաբորբոքային՝ յուվենիլ ռևմատաբնույթ հոդաբորբ, ոսկրահոդաբորբ, ջլաբորբ, տենդովագինիտ
Հակացուցումներ
- Մինչև 3 ամսական փոքրիկներ
- Նախկինում իբուպրոֆենի և այլ ոչ ստերոիդալ հակաբորբոքային դեղերի հանդեպ ունեցած զգայունություն
- Բրոնխիալ ասթմա, եղնջացան
- Երեխայի մոտ ստամոքսաղիքային համակարգի խոցային ախտահարման դեպքում
- Ստամոքսաղիքային համակարգի արյունահոսություն
- Աղիների բորբոքային հիվանդություններ
- Արյան հիվադություններ՝ լեյկոպենիա, հեմոֆիլիա
- Լյարդային կամ երիկամային անբավարարություն
Հղիություն և կրծքով կերակրում
Հղիություն
Տերատոգեն ազդեցություն։ C մակարդակի հղիություն։
Ռեպրոդուկտիվ հետազոտությունները, անցկացրած առնետների և ճագարների վրա, չեն ցուցաբերել անոմալ զարգացման նշաններ։ Այնուամենայնիվ կենդանիների ինքնավերարտադրման հետազոտությունները միշտ չեն կանխորոշում մարդկանց ռեակցիան։ Գոյություն չունեն ադեկվատ և լավ վերահսկվող հետազոտություններ հղի կանանց մոտ։ Հղիության ընթացքում իբուպրոֆենը կարելի է կիրառել, միայն եթե պոտենցիալ օգուտները արդարացնում են պոտենցիալ ռիսկերը պտղի վրա։
Ոչ տերատոգեն ազդեցություն։
Պտղի սիրտ-անոթային համակարգի վրա ՈՍՀԲԴ-ի ունեցած հայտնի ազդեցությունից ելնելով, պետք է խուսափել օգտագործումը խղիության ուշ փուլերում։
Լակտացիա
Հայտնի չէ, արդյոք դեղը անցնում է օրգանիզմից մայրական կաթի մեջ։
Քանի որ, շատ դեղեր ներթափանցում են կրծքի կաթի մեջ և առկա է իբուպրոֆենից լուրջ կողմնակի ազդեցությունների առաջացման պոտենցիալ կրծքի երեխաների մոտ, պետք է որոշում ընդունել անհրաժեշտ է դադարեցնել կրծքով կերակրումը, թե դեղի ընդունումը՝ հաշվի առնելով դեղի կարևորությունը մոր համար։
Կիրառման եղանակը և դեղաչափերը
Դեղաչափումը կախված է երեխայի տարիքից և մարմնի քաշից։
Իբուֆենի միանվագ դեղաչափը կազմում է 5-10 մգ/կգ քաշին, օրական առավելագույն դեղաչափը կազմում է 30 մգ/կգ քաշին։
Իբուֆենը 24 ժամվա ընթացքում կարելի է տալ 3-4 անգամ։ Դեղի ազդեցությունը պահպանվում է մինչև 8 ժամ։
| Տարիք | Միջին քաշը | Միանվագ դեղաչափը | Օրական առավելագույն դեղաչափը |
| 3-6 ամսական | Բժշկի ցուցումով | ||
| 6 ամսականից 1 տարեկան | 7-10 կգ | 2.5 մլ (50 մգ) | 200 մգ |
| 1-3 տարեկան | 10-16 կգ | 2.5-5 մլ (50-100 մգ) | 300 մգ |
| 4-6 տարեկան | 18-22 կգ | 7.5 մլ (150 մգ) | 450 մգ |
| 7-9 տարեկան | 24-28 կգ | 10 մլ (200 մգ) | 600 մգ |
| 10-12 տարեկան | 30-36 կգ | 15 մլ (300 մգ) | 900 մգ |
Որպես ցավազրկող կիրառել 5 օրից ոչ ավել:
Որպես ջերմիջեցնող՝ 3 օրից ոչ ավելի։
Կողմնակի ազդեցույթուններ
Դեղորայքի օգտագործման ժամանակ հնարավոր են հետևյալ կողմնակի երևույթները․
- Ստամոքսաղիքային համակարգի կողմից՝ սրտխառնոց, փսխում, ախորժակի բացակայություն, փորլուծություն, դիսպեպտիկ երևույթներ, պեպտիկ խոց, հազվադեպ հնարավոր է ստամոքսաղիքային արյունահոսություն
- Ալերգիկ ռեակցիաներ՝ մաշկային ցանավորում, քոր, եղնջացան, բրոնխիալ ասթմայի սրացում, բրոնխոսպազմ, անաֆիլակտիկ ռեակցիաներ, հազվադեպ ծայրամասային այտուց
- Սիրտ-անոթային համակարգի կողմից՝ զարկերակային ճնշման բարձրացում, սրտխփոց
- Նյարդային համակարգի կողմից՝ գլխապտույտ, գլխացավ, գրգռվածություն
- Արյան պատկեր՝ նեյտրոպենիա, թրոմբոցիտոպենիա, ագրանուլոցիտոզ, ապլաստիկ անեմիա
Գերդեղաչափում
Եթե առաջացել է գերդեղաչափման խնդիր, ապա հրատապ դիմել բժշկի։
Գերդեղաչափման ախտանիշներն են՝ ցավեր որովայնում, սրտխառնոց, փսխում, գլխացավ, աղմուկ ականջներում, զարկերակային ճնշման իջեցում, բրադիկարդիա, տախիկարդիա։
Բուժումը՝ ստամոքսի լվացում ( միայն ընդունելուց 1 ժամվա ընթացքում), ակտիվացված ածուխ, առատ հեղուկներ, ախտանիշների բուժում։
Ախտանիշներ
Ախտանիշներն են՝ դրդվածությունը, գլխապտույտը, պուլսի և շնչառության հաճախացումը, տախիառիթմիան, փսխումն ու ցնցումները։
Բուժում
Բուժումն ախտանշային է և աջակցող՝ թթվածնահագեցում, դիազեպամի կամ ֆենոբարբիտալի ներերակային ներարկում։
Փոխազդեցություններ այլ դեղերի հետ
Իբուֆենը չպետք է կիրառվի սուլամիդների, լիթիումի պատրաստուկների և մեթոտրեքսատի համակցությամբ։
Իբուֆենը բարձրացնում է պլազմայում դիգօքսինի խտությունը։
Իբուֆենը նվազեցնում է հակագերճնշումային դեղերի և միզմուղների ազդեցությունը: Միզամուղները և ցիկլոսպորինները կարող են մեծացնել ոչ ստերոիդային հակաբորբոքային դեղերի նեֆրոտոքսիկության ռրիսկը։ Իբուֆենն ուժեղացնում է միներալոկորտիկոստերոիդների և գլյուկոկորտիկոսերոիդների կողմնակի երևույթները։
Իբուֆենն ուժեղացնում է ներքին ընդունման հակամակարդիչների և հեպարինի ազդեցությունները։
Կիրառման հատուկ հրահանգներ և նախազգուշացումներ
Խորհրդակցեք բժշկի հետ օգտագործելուց առաջ, եթե երեխան ունի
- Խոց
- Արյունահոսության հետ կապված խնդիրներ
- Ստամոքսի խնդիրներ, որոնք պահպանվում կամ վերադառնում են, օրինակ այրոց, ստամոքսի խանգարում կամ ցավ
- Արյան բարձր ճնշում, սրտի կամ երիկամների հիվանդություն կամ միզամուղների ընդունում
- Եթե հեղուկներ չեք խմել
- Մեծ քանակությամբ հեղուկի կորուստ, շարունակվող փսխոցի կամ փորլուծության պատճառով
- Խնդիրներ կամ լուրջ կողմնակի ազդեցություններ, կապված ջերմիջեցնողների կամ ցավազրկողների օգտագործման հետ
Հարցրեք բժշկին կամ դեղագետին օգտագործելուց առաջ, եթե երեխան
- Բժշկի հսկողության տակ է ցանկացած լուրջ հիվանդության պատճառով
- Հակակոագուլյացիայի համար (արյան նոսրացում) դեղատոմսով դուրս գրվող դեղերի ընդունում
- Ընդունում է ցանկացած այլ դեղ
- Օգտագործում է ցանկացած այլ դեղ, որը պարունակում է իբուպրոֆեն կամ ցանկացած ալ ցավազրկող/ջերմիջեցնող միջոց
Ստամոքսի խանգարման դեպում, դեղը տալ սննդով կամ կաթով։ Ընդունումը դադարեցնել և հարցնել բժշկին, եթե՝
- Առաջանում են ալերգիկ ռեակցիաներ։ Անմիջապես դիմեք բժշկական օգնության
- Տենդը և ցավերը երկարաձգվում են 3 օրից ավել
- Երեխայի մոտ չի նկատվում թեթևացում առաջին օրվա (24 ժամ) բուժման ընթացքում
- Ստամոքսի ցավը կամ խանգարումը ուժեղանում է կամ շարունակվում է
- Հիվանդ հատվածում կարմրության կամ հոտի առկայություն
- Առաջանում են նոր ախտանշաններ
Գերդոզավորման դեպքում դիմել բժշկական օգնության։
Ալերգիայի նախազգուշացում։ Իբուպրոֆենը կարող է առաջացնել լուրջ ալերգիկ ռեակցիաներ, որը կարող է ներառել:
- Եղջերացան, ասթմա (շնչահեղձություն)
- Ցնցում, դեմքի այտուցվածություն
Ստամոքսի արյունահոսության նախազգուշացում։ Օգտագործումը ավելին քան խորհուրդ է տրվում, կարող է առաջացնել ստամոքսի այրունահոսություն։
Կոկորդի ցավի նախազգուշացում։ Ուժեղ կամ շարունական կոկորդի ցավ կամ անգինա, որն ուղեկցվում է բարձր ջերմությունով, գլխացովով, փսխումով կամ սրտխառնոցով, կարող են լուրջ լինել։ Խորհրդակցեք բժշկի հետ։ Ցավի դեպքում չօգտագործել 10 օրից ոչ ավել, տենդի դեպքում 3 օրց ոչ ավել։
Չօգտագործել 2 օրից ոչ ավել և չնշանակել 3 տարեկանից փոքր երեխաներին առանց բժշկի հետ խորհրդակցության։
Չօգտագործել, եթե երեխայի մոտ երբևէ նկատվել է ալերգիկ ռեակցիաներ, ցանկացած այլ ջերմիջեցնող դեղի նկատմամբ։
Հատկապես կարևոր է չօգտագործել հղիության վերջին ամիսներին, բացառությամբ երբ նշանակված է բժշկի կողմից, քանի որ դա կարող է առաջացնել խնդիրներ նորածին երեխաների մոտ կամ բարդություններ ծննդաբերության ընթացքում։
Հիվանդները հազվադեպ ժառանգական խնդիրներովֆրուկտոզի հանդեպ անհանդուրժողականություն, գլյուկոզ-գալակտոզային մալաբսորբցիա, սախարոզ-իզոմալթոզային անբավարարություն, չպետք է օգտգործեն այս դեղը։
Յուրաքանչյուր 5 մլ պարունակում է 1.750գ սախարոզ: Եթե ձեզ հայտնի է, որ հիվանդն ունի որոշակի շաքարների անընկալիություն, այս դեղն ընդունելուց առաջ հայտնեք այդ մասին բժշկին: Սախարոզի քանակը պետք է հաշվի առնվի շաքարախտով հիվանդներին նշանակելիս: Այն նաև կարող է վնասել ատամներին։
Իբուֆեն ներքին ընդունման դեղակախույթը պարունակում է սորբիտոլ։ Սորբիտոլը կարող է առաջացնել ստամոքս-աղիքային դիսկամֆորտ և մեղմ թուլացնող ազդեցություն։
Այս դեղը պարունակում է մեթիլ և պրոպիլ պարաբեններ, որոնք կարող են առաջացնել ալերգային ռեակցիաներ, հնարավոր է հետաձգված։
Իբուֆեն ներքին ընդունման դեղակախույթը պարունակում է սանսեթ դեղին։ Որը կարող է առաջացնել ալերգիկ ռեակցիաներ։
Ազդեցությունը փոխադրամիջոցներ վարելու և սարքավորումների հետ աշխատելու կարողությունների վրա
Կարող է առաջացնել քնկոտություն, գլխապտույտ, տեսողության խավարում, գիտակցության խանգարում։ Զգույշ եղեք ուշադրություն պահանջող գործողությունների իրականացման ժամանակ (օրինակ ավտոմեքենա վարել)։
Թողարկման ձև
100 մլ շշիկ չափիչ բաժակով։
Պահման պայմաններ
Պահպանել 25°C ոչ բարձր ջերմաստիճանում։
Պահել երեխաների համար անհասանելի վայրում։
Պիտանիության ժամկետ
3 տարի։
Օգտագործել բացելուց հետո 6 ամսվա ընթացքում։
Դեղատնից բացթողման կարգ
Առանց դեղատոմսի։
Reviews
There are no reviews yet.