Դեղի օգտագործման հրահանգ

Արտադրող

«Արսանիտ», Հայասատան։

Դեղաձև

Գել։

Նկարագրություն

Ադապալեն 0․1 % և 0․3%։ Միատարր սպիտակ գել (դոնդող)։

Ադիլոք գելի բաղադրություն

Ակտիվ նյութեր՝ 1 մլ գելը (դոնդող) պարունակում է 1 մգ ադապալեն։

1 մլ գելը (դոնդող) պարունակում է 3 մգ ադապալեն։

Օժանդակ նյութեր՝ պրոպիլեն գլիկոլ, դինատրիումի էդետատ, բենզալկոնիումի քլլորիդ, կարբոմեր (974), տրիէթանոլամին (ՏԷԱ), մաքրված ջուր։

Դեղաբանական խումբ

D10A Հակաակնե (հակապզուկային) տեղային օգտագործման համար։

Դեղաբանական ազդեցությունը

Ադապալենը քիմիապես կայուն, ռետինոիդանման միացություն է, որն ունի հակաբորբոքային հատկություններ։ Ադապալենը կապվում է կորիզային սպեցիֆիկ ընկալիչների հետ, թողնում է հակաբորբոքային ազդեցություն, ունի կոմեդոնոլիտիկ ակտիվություն, կերատինզացիայի գործընթացների կարգավորման և էպիդերմիսի տարբերակման ունակություն։ Տվյալ մեխանիզմը կարգավորում է կերատինոցիտների եզրափակիչ տարբերակումը, ինչը ապահովում է կերատինիզացիայի գործընթացի կարգավորում և կոմեդոնների ձևավորման նախադրյալների նվազեցում։ Ապացուցված է ադապալենի արտահայտված հակաբորբոքային հատկությունը․ լիպոօքսիգենազայի, արախիդոնաթթվի, ցիտոկինների արգելակում։ In vitro և in vivo դրսևորում է հակաբորբոքային բարձր ակտիվություն բորբոքման գործոնների վրա թողած ազդեցության միջոցով։

Դեղակինետիկա

Մարդու մաշկի միջով ադապալենի ներծծումը բավականին ցածր է։ Ադապալենով երկարատև տեղային բուժումից հետո հիվանդի արյան շիճուկում հայտնաբերվել է նախնական նյութի միայն հետքային քանակություն (<0․15նգ/մլ)։ Ադապալենը մեծամասամբ դուրս է բերվում օրգանիզմից բիլիար ուղով (ստամոքս-աղիքային ուղի)։

Կիրառման ցուցումներ 

Ադիլոք գելը ցուցված է մեղմ և միջին աստիճանի ծանրության ակնեի բուժման համար, որտեղ գերակշռում են կոմեդոնները, հանգույցիկները (պապուլա) և թարախոցները (պուստուլա), ինչպես նաև դեմքի, կրծքավանդակի կամ մեջքի վրայի պզուկների բուժման համար։

Հակացուցումներ 

Ադապալենի կամ Ադիլոքի որևէ բաղադրիչների հանդեպ գերզգայունություն։

Կիրառման եղանակը և դեղաչափերը

Ադիլոք 0․1 և Ադիլոք 0․3 գելը քսվում է մաշկի վնասված հատվածների վրա օրը 1 անգամ քնելուց առաջ, մակերեսը լվանալուց հետո։ Գելն անհրաժեշտ է քսել շատ բարակ շերտով՝ խուսափելով աչքերի, շրթունքների և լորձաթաղանթի հետ շփումից։

Գելը օգտագործում են չոր մաշկի վրա։

Թերապևտիկ ազդեցությունը նկատվում է բուժման 3 ամիսներից հետո (հնարավոր է նաև ավելի վաղ շրջանում)։ Որոշ դեպքերում, այն հիվանդների մոտ, ում մոտ կարող է նկատվել մաշկի կարճատև գրգռվածություն, անհրաժեշտ է ժամանակավորապես պակասեցնլ օգտագործման հաճախականությունը կամ դադարեցնել բուժումը։ Բուժումը կարող է վերսկսվել մաշկի գրգռվածության նշանների վերանալուց հետո։

Բուժման ժամանակ խորհուրդ չի տրվում օգտագործել չորացնող և գրգռող ազդեցություն ունեցող կոսմետիկ միջոցներ։

Մինչև 12 տարեկան երեխաների համար գելի անվտանգությունն ու արդյունավետությունը ուսումնասիրված չէ։

Գելը նախատեսված չէ ծանր աստիճանի ակնեի բուժման համար։

Հղիություն և կրծքով կերակրում 

Դեղամիջոցը չպետք է օգտագործվի հղիության ընթացքում։

Խորհուրդ չի տրվում դեղամիջոցն օգտագործել կրծքով կերակրելու ժամանակ։

Կողմնակի ազդեցույթուններ 

Ադիլոք գելը կարող է  առաջացնել հետևյալ կողմնակի ազդեցությունները․

Մաշկի և ենթամաշկային բջջանքի հիվանդություններ

• Հաճախ։ չոր մաշկ, մաշկի գրգռում, այրոցի զգացում, կարմրություն (էրիթեմա)
• Հազվադեպ։ կոնտակտային մաշկաբորբ, մաշկի անհանգստություն, արևայրուքներ, քոր, մաշկի թեփոտում, ակնե
• Անհայտ։ ցավ, մաշկի այտուց, կոպերի գրգռում, կոպերի էրիտեմա, քոր, կոպերի այտուց

Գերդեղաչափում 

Գելի մեծ քանակով կիրառումը ոչ միայն չի բերում ավել լավ կամ արագ արդյունքի, այլ նաև մեծ քանակով կիրառելու դեպքում կարող են նկատվել արտահայտված մաշկային ազդեցություններ՝ կարմրություն, թեփոտում ու անհանգստության զգացում։

Դեղային փոխազդեցություն 

Ադիլոք գելի հետ համատեղ չպետք է օգտագործել այլ ռետինոիդներ կամ ազդեցության նույն մեխանիզմ ունեցող այլ դեղամիջոցներ։

Ադապալենի կիրառման ընթացքում հարկավոր է խուսափել արևի ուղղակի ճառագայթներից և ուլտրամանուշակագույն ճառագայթումից (հնարավոր է մաշկի գրգռվածություն)։ Արևի տակ երկարատև մմնալու դեպքում հարկավոր չէ օգտագործել ադապալեն դրանից մեկ օր առաջ, նույն մօրը և մեկ օր հետո։ ՈւՄ ճառագայթման ազդեցության նվազեցման համար անհրաժեշտ է օգտագործել արևապաշպանիչ միջոցներ և մաշկ մշակված հատվածները պաշտպանել հագուստով։

Ադապալենի ներծծումը մաշկի միջոցով բավականին ցածր է, և հետևաբար, սիստեմային դեղամիջների հետ փոխազդեցությունը քիչ հավանական է։ Չկա ոչ մի ապացույց, որ գելի օգտագործումը կարող է ազդել բերանի խոռոչով ընդունվող դեզամիջոցների, ինչպիսիք են՝ հակաբիոտիկները, հակաբեղմնավորիչները, արդյունավետության վրա։

Որոշ հիվանդների մոտ Ադիլոք գելը թողնում է մեղմ տեղային գրգռիչ ազդեցություն և փիլինգի, չորացնող և գրգռող միջոցների զուգահեռ օգտագործումը կարող է հանգեցնել գրգռման ազդեցության ուժեղացմանը։

Ադապպալենի օգտագործման ֆոնի վրա պզուկների, ցանի բուժման համար հնարավոր է այլ միջոցների օգտագործում (բենզոիլ պերոքսիդ, հակաբիոտիկների տեղային կիրառման դեղաձևեր, կլինդամիցին 1%, էրիթրոմիցին 4%)։ Սակայն անհրաժեշտ է հիշել, որ խորհուրդ չի տրվում մաշկի նույն հատվածի վրա Ադիլոքի և այլ դեղամիջոցի միաժամանակյա օգտագործումը։ Այլ դեղամիջոցներ խորհուրդ է տրվում օգտագործել առավոտյան, իսկ Ադիլոք գելը՝ երեկոյան, քնելուց առաջ։

Հատուկ հրահանգներ

Ադիլոք գելի ցանկացած բաղադրամասի հանդեպ գերզգայնության կամ մաշկի գրգռման դեպքում դեղի օգտագործումն անհրաժեշտ է դադարեցնել։

Մաշկի կարճատև գրգման դեպքում անհրաժեշտ է ժամանակավորապես պակասեցնել օգտագործման հաճախականությունը կամ ժամանակավորպես դադարեցնել բուժումը։ Խուսափել աչքերի, շրթունքների և լորձաթաղանթների հետ գելի շփումից։ Գելն աչքի մեջ պատահական ընկնելու դեպքում անհապաղ լվանալ գոլ ջրով։ Գելը չպետք է քսել բաց վերքերի և սալջարդերի վրա, պետք չէ կիրառել վնասված մաշկով, էկզեմայով, ծանր աստիճանի ակնեով հիվանդների մոտ, երբ ախըահարված են մարմնի մեծ հատվածներ։

Խորհուրդ չի տրվում այլ պոտենցիալ գրգռող միջոցների (չորացնող օճառների և մաքրող նյութեր, ուժեղ չորացնող ազդեցություն ունեցող կոսմետիկ միջոցներ, օծանելիքներ, մեծ քանակությամբ ալկոհոլ պարունակող մաքրող նյութեր և այլն) հետ միաժամանակյա կիրառումը։

Ադապալենը՝ ծծումբ, ռեզորցին կամ սալիցիլաթթու պարունակող պատրատուկների հետ համատեղ օգտագործելիս առավել զգույշ պետք է լինել։ Եթե նման պատրաստուկներ արդեն օգտագործվել են, ապա խորհուրդ է տրվում չսկսել Ադիլոքի կիրառումը մինչև նշված նյութերի մաշկի վրա թողած ազդեցության վերանալը։

Պրոպիլեն գլիկոլ պարունակող միջոցները կարող են գրգռել մաշկը, իսկ մեթիլպարահիդրօքսիբենզոատ պարունակոները կարող են առաջ բերել ալերգիկ ռեակցիաներ։

Մեքենա վարելու ունակության վրա ազդեցություն

Շարժողական ակտիվության, ռեֆլեքսներ և ուշադրությունը կենտրոնացնելու ունակության վրա ունեցած բացասական ազդեցության մասին տվյալներ չկա։

Թողարկման ձև

Պոլիէթիլենային սրվակ LDPE սպիտակ կափարիչ-դոզատորով։ Փաթեթավորման չափը 10 մլ, 30 մլ։

Պահման պայմաններ

Պահել 25°C ոչ բարձր ջերմաստիճանի պայմաններում։ Չսառեցնել։ Պահել երեխաներին անհասանելի տեղում։

Պիտանիության ժամկետ

3 տարի։ Չօգտագործել տուփի վրա նշված պիտանիության ժամկետից ուշ։ 

Դեղատնից բացթողման կարգ 

Դեղատոմսով։