Դեղի օգտագործման հրահանգ
Արտադրող
«Մեդիկալ Հորիզոն» ՍՊԸ, Հայասատան։
Դեղաձև
Մանկական օշարակ, բալի համով։
Բաղադրություն
Ակտիվ բաղադրատարր` պարացետամոլ 120մգ/5մլ
Օժանդակ նյութեր` պրոպիլեն գլիկոլ, սախարին նատրիում, գլիցերին, սախարոզ, կիտրոնաթթու, մեթիլպարաբեն, պրոպիլպարաբեն, բալի համահաղորդիչ, պանսո: Չի պարունակում էթիլ սպիրտ:
Դեղաբանական խումբ
Ոչ ստերոիդային հակաբորբոքային դեղեր:
Դեղաբանական հատկություններ
Դեղաբանություն
Պարացետամոլը կլինիկորեն ապացուցված ցավազերծիչ և ջերմիջեցնող է: Պարացետամոլի ցավազրկող ազդեցությունը պայամանավորված է ցավի շեմքի բարձրացմամբ իսկ ջերմիջեցնողը` ենթատեսթմբի ջերմակարգավորող կենտրոնի վրա ազդեցությամբ: Պարացետամոլն իր ցավազերծող և ջերմիջեցնող ազդեցությամբ հավասարազոր է ասպիրինին, սակայն ավելի քիչ հավանականությամբ է առաջացնում կողմնակի ազդեցություններ, որոնք հատուկ են ասպիրինին եւ ասպիրին-պարունակող դեղերին: Չի գրգռում ստամոքսաղիքային համակարգը և չի ազդում ջրաաղային փոխանակության վրա, քանի որ չի ազդում պրոստոգլանդինների սինթեզի վրա պերիֆերիկ հյուսվածքներում:
Դեղակինետիկա
Պարացետամոլը արագ է ներծծվում ստամոքսաղիքային համակարգից: Արյան մեջ առավելագույն խտությունն ապահովվում է ներքին ընդունումից մոտավորապես 10-60 րոպե անց: Պարացետամոլը տեղաբաշխվում է օրգանիզմի շատ հյուսվածքներում: Բուժական դեղաչափի դեպքում պլազմայի սպիտակուցների հետ կապվում է աննշան քանակով, որն ավելանում է դեղի բարձր խտության պայմաններում:
Կիսադուրսբերման փուլը տատանվում է 1-ից մինչև 3 ժամ: Նյութափոխանակվում է առավելապես լյարդում և արտազատվում մեզով` լծորդակների (գլյուկուրոնիդներ և սուլֆատներ) ձևով: 5%-ից պակաս արտազատվում է անփոփոխ ձևով: Այն սովորաբար թունազերծվում է գլյուտաթիոնով լծորդմամբ, պարացետամոլի գերդեղաչափման պատճառով կարող է կուտակվել եւ առաջացնել հյուսվածքի վնասում:
Կիրառման ցուցումներ
- որպես ջերմիջեցնող միջոց – սուր շնչական հիվանդությունների, գրիպի, մանկական վարակների և այլ բորբոքային հիվանդությունների ժամանակ, որոնք ուղեկցվում են ջերմության բարձրացումով, հետպատվաստումային շրջանում
- որպես ցավազրկող – թույլ եւ չափավոր ցավ (գլխացավ, ատամնացավ, մկանացավ, նյարդացավ, վնասվածքային ցավերի ժամանակ)
Հակացուցումներ
- գերզգայնություն պարացետամոլի եւ/կամ այլ բաղադրանյութերի նկատմամբ
- երիկամների եւ լյարդի ֆունկցիայի անբավարարություն
- լյարդի, երիկամների ֆունկցիայի ծանր խանգարումներ
Կիրառման եղանակը և դեղաչափերը
Ցետամոլ օշարակի դեղաչափումը կախված է երեխայի տարիքից և մարմնի քաշից:
Ցետամոլ օշարակի միանվագ դեղաչափը կազմում է 10-15մգ/կգ քաշին, օրական առավելագույնը` 60մգ/կգ քաշին: Դեղաչափը կարող է կրկնվել յուրաքանչյուր 4 ժամը մեկ, բայց չպետք է գերազանցի օրական 5 անգամը:
| Տարիք | Երեխայի քաշը կգ | Միանվագ դեղաչափ |
| 1-3 ամսական | Բժշկի ցուցումով | |
| 3-5 ամսական | 6-8 կգ | 2,5-4 մլ |
| 5 ամսականից 1 տարեկան | 8-10 կգ | 4-5 մլ |
| 1-2 տարեկան | 10-12 կգ | 5-5,7 մլ |
| 2-3 տարեկան | 12-16 կգ | 8 մլ |
| 4-5 տարեկան | 16-21 կգ | 10 մլ |
| 6-8 տարեկան | 22-26 կգ | 10-13 մլ |
| 9-10 տարեկան | 28-30 կգ | 14-17 մլ |
| 10-12 տարեկան | 30-34 կգ | 17-20 մլ |
Եթե երեխայի քաշը էապես տարբերվում է նշվածից, ապա այն պետք է համապատասխանաբար ճշտվի:
Որպես ջերմիջեցնող չկիրառել 3 օրից ավել:
Որպես ցավազրկող չկիրառել 5 օրից ավել:
Կողմնակի ազդեցույթուններ
Բուժական դեղաչափերի դեպքում կողմնակի ազդեցությունները հազվադեպ են և քիչ արտահայտված: Երբեմն արտահայտվում են սրտխառնոցի, փսխման, որովայնացավի, արյունային ռեակցիաների (թրոմբոցիտոպենիա, նեյտրոպենիա, լեյկոպենիա, ագրանուլոցիտոզ) տեսքով: Երբեմն տեղ են գտնում մաշկի կարմրությունը, եղնջացանն ու գերզգայնության այլ ռեակցիաներ:
Գերդեղաչափում
Առաջիկա 24 ժամվա ընթացքում գերդեղաչափման ախտանիշներն են` գունատությունը, սրտխառնոցը, փսխումը, ախորժակի բացակայությունը եւ որովայնացավը: Լյարդի ախտահարումը կարող է ակնհայտ դառնալ ընդունելուց 12-48 ժամ անց (լյարդի շրջանի ցավեր, լյարդային ֆերմենտների ակտիվության բարձրացում):
Կարող են զարգանալ գլյուկոզի նյութափոխանակության խանգարումներ և մետաբոլիկ ացիդոզ։
Ծանր թունավորման դեպքում լյարդի անբավարարությունը կարող է բերել ուղեղախտի, կոմայի: Պարացետամոլի գերդեղաչափմամբ երկարատև կիրառումը կարող է առաջացնել լյարդաթունային և երիկամաթունային ազդեցություն:
Գերդեղաչափման դեպքում անհրաժեշտ է անհապաղ ընդհատել դեղորայքի ընդունումը և դիմել բժշկի: Ցուցված է կատարել ստամոքսի լվացում և ընդունել աղիքային կլանիչներ (ակտիվացված ածուխ, պոլիֆեպամ):
Դեղային փոխազդեցություն
Խոլեստիրամինը կարող է դանդաղեցնել պարացետամոլի ներծծումը: Մետոկլոպրամիդը և դոմպերիդոնը կարող են արագացնել պարացետամոլի ներծծումը։
Ալկոհոլը, Բարբիտուրատները, հակացնցումային դեղերը, տրիցիկլիկ հակադեպրեսանտները, ռիֆամպիցինը և բուտադիոնը կարող են բարձրացնել պարացետամոլի հեպատոտոքսիկությունը, մասնավորապես գերդեղաչափումից հետո: Վարֆարինի եւ այլ կումարինների հակամակարդչային ակտիվությունը կարող է առավել արտահայտվել պարացետամոլի երկարատեւ պարբերական կիրառման դեպքում` մեծացնելով արյունահոսության վտանգը. սովորական դեղաչափերը չունեն էական նշանակություն:
Հատուկ հրահանգներ
Չկիրառել պարացետամոլ պարունակող այլ դեղերի հետ միաժամանակ:
Վաղաժամ ծնված և մինչեւ 3 ամսական երեխաների համար օգտագործելուց առաջ խորհրդակցել բժշկի հետ:
Պատահական գերդեղաչափման դեպքում անմիջապես դիմել բժշկի:
Հարկավոր է զգուշությամբ կիրառել` ծանր երիկամային կամ լյարդային անբավարարությամբ տառապող հիվանդների կողմից, գլյուկոզա-6-ֆոսֆատդեհիդրոգենազա ֆերմենտի ժառանգական բացակայության դեպքում, արյան ծանր հիվանդությունների ժամանակ (ծանր սակավարյունություն, լեյկոպենիա, թրոմբոցիտոպենիա)։
Յուրաքանչյուր 5 մլ պարունակում է 1.500գ սախարոզ: Եթե ձեզ հայտնի է, որ հիվանդն ունի որոշակի շաքարների անընկալիություն, այս դեղն ընդունելուց առաջ հայտնեք այդ մասին բժշկին: Սախարոզի քանակը պետք է հաշվի առնվի շաքարախտով հիվանդներին նշանակելիս: Այն նաև կարող է վնասել ատամներին։
Այս դեղը պարունակում է մեթիլ և պրոպիլ պարաբեններ, որոնք կարող են առաջացնել ալերգիկ ռեակցիաներ, հնարավոր է հետաձգված։
Այս դեղը պարունակում է պանսո (E124), որը կարող է առաջացնել ալերգիկ ռեակցիաներ: Չգերազանցել նշված դեղաչափը:
Թողարկման ձև
Ապակե շշիկ 100մլ, չափիչ բաժակով։
Պահման պայմաններ
Պահպանել լավ փակված տարայում, մինչև 25°C ջերմաստիճան: Պահել երեխաներից հեռու վայրում:
Պիտանիության ժամկետ
3 տարի։
Դեղատնից բացթողման կարգ
Առանց դեղատոմսի։
