Դեղի օգտագործման հրահանգ

Արտադրող

«Երևանի քիմիա-դեղագործական ֆիրմա» ԲԲԸ, Հայաստան

Դեղաձև

Ներարկման լուծույթ

Որակական ու քանակական բաղադրություն

1 մլ պրեպարատը պարունակում է․

ակտիվ նյութ՝ դեքստրոզ 400 մգ

օժանդակ նյութեր՝ նատրիումի քլորիդ 0,26 մգ

աղաթթվի 0,1 M լուծույթ — pH մինչև 3,0-4,0 ներարկման ջուր մինչև 1մլ

Նկարագրություն

Թափանցիկ, անգույն կամ թեթևակ դեղնավուն հեղուկ։

Դեղաբանական խումբ 

Պլազմափոխարինիչ, ջրահագեցնող, վարակազերծող, նյութափախանակային բուժամիջոց։

Դեղաբանական ազդեցություն

Դեղադինամիկա 

Հիպերտոնիկ լուծույթ է։ Բարձրացնում է արյան օսմոսային ճնշումը, մեծացնում է անոթային հունի մեջ հյուսվածքային հեղուկի ելքը և այնտեղ այն պահում, խթանում է նյութափոխանակությույնը, միզարձակումը, թունանյութերի դուրսբերումը (լյարդի թունազերծող ֆունկցիայի ուժեղացման հաշվին), սրտամկանի կծկողականությունը, լայնացնում անոթները։ Միզամուղ ազդեցությունը կախված է լուծույթի ծավալից և հիվանդի վիճակից։

Դեղակինետիկա 

Արագ ենթարկվում է նյութափոխանակության՝ վերածվելով CO₂-ի և ջրի, կանխում օրգանիզմում սպիտակուցի և ազոտի կորուստը, նպաստում գլիկոգենի կուտակմանը, անհրաժեշտ դեղաչափերի կիրառման դեպքում թուլացնում կամ կանխում է կետոզը։

Ցուցումներ 

Սուր փորլուծությամբ, անսանձ փսխմամբ ուղեկցվող հիվանդությունների ժամանակ օրգանիզմի ջրահագեցմա համար հեղուկի համապատասխան քանակի ապահովում, որպես կալորիաների աղբյուր, թերշաքարարյունության բուժում, դեղալուծույթների պատրաստում։ 

Հակացուցումենր 

Դեղի նկատմամբ բարձրազգայնություն, անմզություն, ներգանգային և ողնուղեղային արյունազեղում, ալկոհոլային թունահարման դեպքում՝ ջրազրկում (սպիտակ տենդ)։

Կիրառման ձևեր ու դեղաչափեր

Գլյուկոզա 40% հիպերտոնիկ լուծույթը կիրառում են ն/ե կաթիլային ներարկման ձևով՝ րոպեում մինչև 30 կաթիլ (1․5մգ/կգ/ժամ)։

Դեղաչափը կախված է հիվանդի մարմնի քաշից, տարիքից, կլինիկական վիճակից, արյան շիճուկում գլյուկոզի մակարդակից, էլեկտրոլիտային և թթվահիմնային հաշվեկշռից։ 

Կողմնակի ազդեցությունները 

Գլյուկոզայի հիպերտոնիկ լուծույթը ցածր pH-ի պատճառով կարող է հրահրել ներարկման տեղում ցավ, թրոմբոֆլեբիտ, արյան գերծավալություն (hypervolaemia) գերշաքարարյունություն։

Տեղեկությոններ կան արտանոթման (extavasatio) ժամանակ մեռուկի զարգացման մասին։ 

Կիրառումը հղիության ժամանակ

Հզիության ժամանակ լուծույթը կարելի է կիրառել միայն խիստ անհրաժեշտության դեպքում։  

Հատուկ հրահանգներ

Գլյուկոզան չպետք է կիրառել սուր իշեմիկ ուղեղակաթվածից հետո, քանի որ այն կարող է բարդացնել ուղեղի իշեմիկ ախտահարումը։ Լուծութի մեծ քանակի ներարկումից կարող է խախտվել օրգանիզմում էլեկտրոլւտային և թթվահիմնային հաշվեկշիռը, ուստի անհրաժեշտ է վերահսկել և պահպանել արյան շիճուկում էլեկտրոլիտների, հատկապես կալիումի մակարդակը։ Անհրաժեշտության դեպքում կրառել կալիումի պատրաստուկներ։ 

Զգուշությամբ պետք է կիրառեն արյան գերծավալությամբ, երիկամային անբավարարությամբ, միզուղիների խցանմամբ, սրտի դեկոմպենսացման վտանգով, 2-րդ տեսակի քողարկված կամ ախտորոշված շաքարախտով հիվանդները։

Զգույշ պետք է լինել ինսուլինակախյալ շաքարախտի ժամանակ, քանի որ լուծույթի տևական ներարկումը կարող է վատացնել ինսուլինի ներարկում։

Խորհուրդ է տրվում կիրառել փոքր անցքով ասեղ և դեղը ներարկել մեծ ծայրամասային երակի մեջ։

Փաթեթավորում

5 մլ ամպուլներ 10-ական։  

Թողարման ձև

40% ներարկման լուծույթ 5 մլ ամպուլներում։   

Պահպման պայմաններ

Լույսից պաշտպանված, երեխաներին անհասանելի տեղում  + 5 °С մինչև + 30 °С ջերմաստիճանի պայմաններում։

Պիտանիության ժամկետ 

6 տարի։ 

Դեղատնից բացթողման կարգ

Դեղատոմսով։