Դեղի օգտագործման հրահանգ

Արտադրող

«ՆՊՖ ՄԱՏԵՐԻԱ ՄԵԴԻԿԱ ՀՈԼԴԻՆԳ» ՍՊԸ, Ռուսաստան:

Դեղաձև

Հոմեոպաթային դեղահատեր:

Նկարագրություն

Սպիտակ մինչև գրեթե սօիտակ, ակոսիկով և երիզով տափակ գլանաձև դեղահատ, որի ակոսիկով կողմի վրա դրոշված է MATERIA MEDICA, իսկ մյուս կողմի վրա՝ ANAFERON KID։ Ակոսիկը նախատեսված չէ դեղահատը մասերի բաժանելու համար։  

Բաղադրություն

Յուրաքանչյուր դեղահատ պարունակում է․

ակտիվ բաղադրատարր՝ մարդու գամմա ինտերֆերոնի նկատմամբ աֆինային մաքրված հակամարմիններ — 0,003գ։

օժանդակ նյութեր՝ լակտոզի մոնոհիդրատ — 0,267 գ, միկրովյուրեղային ցելյուլոզ — 0,03գ, մագնեզիումի ստեարատ — 0,003գ։ 

Դեղաբուժական խումբ 

Հակավիրուսային և իմունախթանիչ դեղեր։ 

Դեղաբանական ազդեցություն

Մանկակն Անաֆերոնը ցուցաբերում է իմունոմոդուլյատոր և հակավիրուսային ազդեցություն։ Այն կիրառվում է կանխարգելման և բուժման նպատակով։ Փորձարարական և կլինիկական հետտազոտությունների արդյունքում դեղի արդյունավետությունը հաստատվել է գրիպի, հերպեսի վիրուսների (ջրծաղիկ, վարակային մոնոնուկլեոզ), ռոտավիրուսի հանդեպ։

Դեղը նվազեցնում է վիրուսների խտությունը ախտահարված հյուսվածքմերում, ներգործում է ընդերածին ինտերֆերոնների համակարգի և դրանց հեը կապակցված ցիտեկինների վրա, մակածում է ընդերածին «վաղ» ինտերֆերոնների և գամմա-ինտերֆերոնի գոյացումը։

Մանկական Անաֆերոնը խթանոումէ հումորալ բջջային իմունային պատասխանը, ինչպես նաև՝ հակամարմինների սինթեզը։ Այն ակտիվացնում է T-էֆեկտորների, T-հելպերների (Th) ֆունկցիան և կարգավորում է դրանց հարաբերակցությունը։ Մեծացնում է Th և իմունային պատասխանին մասնակցող այլ բջիջների ֆունկցիոնալ ակտիվությունը։ Մանկակն Անաֆերոնը Th1 և TH2 տեսակի խառը իմունային պատասխանի մակածիչ է․ այն խթանում է Th1 և Th2 ցիտոկիննրի արտադրությունը ու կարգավորում է Th1 և TH2 ազդեցությունների հավասարակշռությունը, ինչպես նաև բարձրացնում է ֆագոցիտների և բնական «սպանող» բջիջների ֆունկցիոնալ ակտիվությունը։

Դեղակինետիկա

Ֆիզիկա-քիմիական անալիզի ժամանակակից մեթոդների (գազահեղուկային քրոմատոգրաֆիա, բարձրարդյունավետ հեղուկային քրոմատոգրաֆիա, քրոմատոմասսպեկտոմետրիա) զգայնությունը հնարավորություն չի տալիս որոշել Մանկական Անաֆերոն դեղի ակտիվ բաղադրատարրերի պարունակությունը կենսաբանական հեղուկում, օրգաններում և հյուսվածքներում։ Այդ պատճառով Մանկական Անաֆերոնի դեղակինետիկան տեխնիկապես  անհնար է ուսումնասիրել։

Ցուցումներ

Մանկական Անաֆերոն դեղը ցուցված է․

• 1 ամսականի մինչև 18 տարեկան երեխաների շրջանում գրիպի և սուր շնչառական վիրուսային վարակների դեպքում կանխարգելման և բուժման համար
• 1 տարեկանից մինչև 18 տարեկան երեխաների շրջանում հերպես վիրուսներով հրահրված վարակների (վարակային մոնոնուկլեոզ, ջրծաղիկ) դեպքում՝ որպես համալիր բու-ման բաղադրիչ
• 6 ամսականից մինչև 18 տարեկան երեխաների շրջանում ռոտավիրուսով հրահրված սուր աղիքային վարակների դեպքում՝ որպես համալիր բուժման բաղադրիչ

Հակացուցումներ

Մանկական Անաֆերոնը հակացուցված է․

• դեղի բաղադրատարրերի և օժանդակ նյութերի նկատտմամբ անհատական գերզգայնության դեպքում
• մինչև 1 ամսական երեխաններին՝ գրիպի և սուր շնչառական վիրուսային վարակների կանխարգելման և բուժման համար
• մինչև 1 տարեկան երեխաներին՝ հերպես վիրուսներով հրահրված վարաիկների բուժման համար
• մինչև 6 ամսական երեխաներին՝ ռոտավիրուսով հրահրված սուր աղիքային վարակների բուժման համար
• լակտազային անբավարարության, լակտոզայի նկատմամբ անտանելիության և գլյուկոզա-գալակտոզայի մալաբսորբցիայի համախտանիշի դեպքում

Կիրառումը հղիության և կրծքով կերակրման շրջանում

Հղիության և կրծքով կերակրման շրջանում Մանկական Անաֆերոնի կիրառման անվտանգությունը ուսումնասիրված չէ։ Կիրառման անհրաժեշտության դեպքում անհրաժեշտ է հաշվի առնել ռիսկ/օգուտ հարաբերակցությունը։

Կիրառման ձևեր և դեղաչափեր

Ակոսիկը նախատեսված չէ դեղահատը մասերի բաժանելու համար։

Մանկական Անաֆերոն դեղը նախատեսված է ներքին ընդունման համար։ Դեղը չի կարելի օգտագործել սննդի ընդունման ընթացքում։ Դեղահատն անհրաժեշտ է պահել բերանում մինև դրա ամբողջական լուծվելը։

1 ամսականիրց մինչև 3 տարեկանների համար դեղահատը կարելի է լուծել քիչ քանակությամբ (1 ճաշի գդալ) եռացրած և մինչև սենյակային ջերմաստիճանը սառեցրած ջրում։ 

Սուր շնչառական վիրուսային վարակ, գրիպ

1 ամսական և բարձր տարիք ունեցող երեխաներ

Բուժման առաջին օրվա ընթացքում անհրաժեշտ է ընդունել 8 դեղահատ հետևյալ կարգով․

առաջին 2 ժամվա ընթացքում՝ 1 դեղահատ յուրաքանչյուր 30 րոպեն մեկ անգամ (ընդամենը՝ 5 դեղահատ 2 ժամվա ընթացքում), այնուհետև նույն օրվա ընթացքոււմ՝ 1 դեղահատ 3 անգամ, հավասար ընդմիջումներով։ Երկրորդ օրից սկսած և այնուհետև դեղն անհրաժեշտ է ընդունել 1 դեղահատ օրական 3 անգամ՝ մինչև լրիվ առողջացում։

Սուր շնչառական վիրուսային վարակի և գրիպի բուժման երրորդ օրը վիճակի բարելավման բացակայության դեպքում պետք է դիմել բժշկի։

Սուր շչառական վիրուսային վարակի և գրիպ համաճարակային սեզոնի ընթացքում կանխարգելման նպատակով անհրաժեշտ է ընդունել օրական 1 դեղահատ՝ 1-3 ամիս տևողությամբ։

Ռոտավիրուսով հրահրված սուր աղիքային վարակների համալիր բուժում

6 ամսական և ավելի բարձր տարիք ունեցող երեխաներ

 Բուժման առաջին օրվա ընթացքում անհրաժեշտ է ընդունել 8 դեղահատ հետևյալ կարգով․

առաջին 2 ժամվա ընթացքում՝ 1 դեղահատ յուրաքանչյուր 30 րոպեն մեկ անգամ (ընդամենը՝ 5 դեղահատ 2 ժամվա ընթացքում), այնուհետև նույն օրվա ընթացքում՝ 1 դեղահատ 3 անգամ, հավասր ընդմիջումներով։ Երկրորդ օրից սկսած և այնուհետև դեղն անհրաժեշտ է ընդունել 1 դեղահատ օրական 3 անգամ՝ մինչև լրիվ առողջացումը։

Հերպես վիրուսներով հրահրված վարակների (վարակային մոնոնուկլեոզ, ջրծաղիկ) համալիր բուժում

1 տարեկան և ավելի բարձր տարիք ունեցող երեխաներ

Բուժման առաջին օրվա ընթցքում անհրաժեշտ է ընդունել 8 դեղահատ հետևյալ կարգով․

առաջին 2 ժամվա ընթացքում՝ 1 դեղահատ յուրաքանչյուր 30 րոպեն մեկ անգամ (ընդամենը՝ 5 դեղահատ 2 ժամվա ընթացքում), այնուհետև նույն օրվա ընթացքում՝ 1 դեղահատ 3 անգամ, հավասար ընդմիջումներով։ Երկրորդ օրից սկսած և այնուհետև դեղն անհրաժեշտ է ընդունել 1 դեղահատ օրական 3 անգամ։

Ջրծաղիկի բուժման տևողությունը կազմում է 7 օր։

Վարակային մոնոնուկլեոզի բուժման տևողությունը կազմում է 14 օր։ 

Անհրաժեշտության դեպքում դեղը կարելի է զուգորդել հակավիրուսային և ախտանիշային բուժման համար կիրառվող այլ դեղերի հետ։

Կողմնակի ազդեցություններ

Հնարավոր են ալերգիկ ռակցիաներ դեղի բաղադրատարրերի ու օժանդակ նյութերի նկատմամբ անհատական գերզգայնության դրսևորումներ։ 

Գերդեղաչափում 

Մինչ օրս գերդեղաչաձման դեպքեր չեն գրանցվել։

Պատահական գերդեղաչափման դեպքում հնարավոր է մարսողության խանգարում՝ դեղի բաղադրության մեջ առկա օժանդակ նյութերով պայմանավորված։

Փոխազդեցություններ այլ դեղերի հետ 

Այլ դեղերի հետ անհամատեղելոիթյան դեպքեր մինչև այժմ չեն գրանցվել։

Անհրաժեշտության դեպքում դեղը կարելի է զուգորդել հակավիրուսային, հակաբակտերիային և ախտանիշային բուժման համար կիրառվող դեղերի հետ։

Հատուկ նշումներ

Բաղադրության մեջ լակտոզի մոնոհիդրատի առկայության պատճառով Մանկական Անաֆերոնը խորհուրդ չի տրվում օգտագործել բնածին գալակտոզեմիա, գլյուկոզայի մալաբսորբցիայի համախտանիշ և բնածին լակտազային անբավարարություն ունեցող պացիենտներին։

Ազդեցությունը փոխադրամիջոցներ վարելու և սարքավորումների հետ աշխատելու կարողությունների վրա

Փոխադրամիջոցներ վարելու և մեխանիզմների հետ աշխատելու կարողության վրա Մանկական Անաֆերոն դեղի ազդեցւթյան վերաբերյալ տվյալներ չկան։ 

Թողարկման ձև

Հոմեոպաթային դեղահատեր։ Պոլիվինիլքլորիդային թաղանթից և ալյումինե նրբաթիթեղից պատրաստված շրջանագծված բնիկավոր բլիստերը պարունակում է 20 դեղահատ։ Ստվարաթղթե տուփի մեջ տեղադրված է շրջանագծված բնիկավոր մեկ բլիստեր՝ դեղի օգտագործման հրահանգի (ներդիր-թերթիկի) հետ միասին։ 

Պահպանման պայմաններ

Պահել 25 °С-ից ոչ բարձր ջերմասիճանի պայմաններում։ 

Պահել երեխաների համար անհասանելի տեղում։

Մանկական Անաֆերոնի ընդունման ընթացքում բլիստերը պահել դեղի տուփի մեջ։  

Պիտանիության ժամկետ 

3 տարի։

Դեղը չի կարելի կիրառել պիտանիության ժամկետը լրանալուց հետո։

Դեղատնից բաց թողնելու կարգ 

Բաց է թողնվում առանց դեղատոմսի։