Օգտագործման հրահանգ

Արտադրող

«Մեդիկալ Հորիզոն» ՍՊԸ,  Հայաստան:

Դեղաձև

Մոմիկներ հեշտոցային:

Բաղադրություն

Յուրաքանչյուր հեշտոցային մոմիկ պարունակում է․

Ակտիվ նյութեր՝ մետրոնիդազոլ 500 մգ։ 

Օժանդակ նյութեր՝ պոլիէթիլեն գլիկոլ 1500 և 400։

Դեղաբանական խումբ

Հակապրոտոզոային դեղ։

Կիրառման ցուցումներ 

Ֆլազոնը նախատեսված է որոշ հեշտոցային վարակների տեղային բուժման համար` տրիխոմոնային վագինիտ (Trichomonas vaginitis) և ոչ սպեցիֆիկ վագինիտ։

Հակացուցումներ 

Ֆլազոնը հակացուցված է Մետրոնիդազոլի կամ այլ Նիտրոիմիդազոլի ածանցյալների նկատմամբ գերզգայունությամբ հիվանդներին:

Հղիություն և կրծքով կերակրում 

Կրծքի կաթի մեջ դեղի ներթափանցման պատճառով, այն խորհուրդ չի տրվում օգտագործել կրծքով կերակրման ժամանակ:

Հղիության և կրծքով կերակրման դեպքում բուժումը սկսելուց առաջ միշտ հարկավոր է խորհրդակցել բժշկի կամ դեղագետի հետ:

Կիրառման եղանակը և դեղաչափերը

Միայն մեծերի համար

• Տրիխոմոնային վագինիտ (Trichomonas vaginitis) ` օրական մեկ հեշտոցային մոմիկ, որը հարկավոր է խորը տեղադրել հեշտոցի մեջ` 10 օր, ներքին ընդունման դեղաձևի հետ համատեղ:
• Ոչ սպեցիֆիկ վագինիտ` օրական մեկ հեշտոցային մոմիկ, որը հարկավոր է խորը տեղադրել հեշտոցի մեջ` 7 օր, անհրաժեշտության դեպքում ներքին ընդունման դեղաձևի հետ համատեղ:

Ձեր զուգընկերը պետք է զուգահեռ բուժվի, նույնիսկ եթե նրա մոտ չկան կլինիկական նշաններ:

Հեշտոցային մոմիկը սովորաբար տեղադրվում է երեկոյան քնելուց առաջ, պառկած դիրքում:

Խորհուրդ տրվող բուժման տևողությունը 7-10 օր է:

Բոլոր դեպքերում խստորեն հետևեք բժշկի նշանակումներին:

Կողմնակի ազդեցույթուններ 

Ինչպես բոլոր դեղերը, այս դեղը նույնպես կարող է առաջացնել կողմնակի ազդեցություններ, թեև ոչ բոլորի մոտ են դրանք դրսևորվում։

Դադարեցրեք Ֆլազոնի օգտագործումը և անմիջապես դիմեք բժշկի կամ անմիջապես գնացեք հիվանդանոց, եթե նկատում եք հետևյալ լուրջ կողմնակի ազդեցություններից որևէ մեկը. ձեզ կարող է անհրաժեշտ լինել շտապ բժշկական օգնություն.

• Ալերգիկ ռեակցիաներ. Նշանները կարող են դրսևորվել ձեռքերի, ոտքերի, կոճերի, դեմքի, շուրթերի կամ կոկորդի այտուցով, որը կարող է կլման ակտի կամ շնչառության դժվարություններ առաջացնել, քոր, միանվագ ցան կամ եղջերացան:
• Լուրջ, բայց շատ հազվադեպ կողմնակի ազդեցությունը գլխուղեղի հիվանդությունն է (էնցեֆալոպաթիա): Ախտանիշները տարբեր են, բայց կարող եք ունենալ ջերմություն, պարանոցի կոշտություն, գլխացավ կամ զգայախաբություն: Դուք կարող եք նաև ունենալ ցավեր  մկաններում կամ հոդերում, թուլության զգացում արմունկներում կամ ծնկներում, խոսքի խանգարումներ կամ շփոթվածության զգացում:
• Զարգանում է մաշկի ցան, ներառյալ Սթիվենս-Ջոնսոնի համախտանիշը կամ թունավոր էպիդերմալ նեկրոլիզը: Դրանք կարող են ի հայտ գալ որպես թիրախի նման կարմրավուն բծեր կամ շրջանաձև բծեր, որոնք հաճախ դրսևորվում են մարմնի վրա բշտիկներով, մաշկի թեփոտումով, բերանի, կոկորդի, քթի, սեռական օրգանների և աչքերի խոցերով, որոնց կարող են նախորդել տենդը և գրիպի նման ախտանիշները:
• Ձեր մոտ առաջանում է կարմիր թեփուկավոր ցան, որը տարածվում է մաշկի տակ բշտիկներով, որն ուղեկցվում է տենդով, բուժման սկզբում (սուր ընդհանրացված էկզանտեմատոզ պուստուլոզ):
• Մաշկի և աչքերի դեղնացում. Սա կարող է պայմանավորված լինել լյարդի խնդրով (դեղնախտով):
• Անսպասելի վարակներ, բերանի խոցեր, կապտուկներ, լնդերի արյունահոսություն կամ ուժեղ հոգնածություն: Սա կարող է պայմանավորված լինել արյան հետ կապված խնդիրներով:
• Ստամոքսի ուժեղ ցավ, որը կարող է նույնիսկ ճառագայթել մեջքին (պանկրեատիտ):

Տեղեկացրեք ձեր բժշկին կամ դեղագետին, եթե հետևյալ կողմնակի ազդեցություններից որևէ մեկը բարդանում է կամ տևում է մի քանի օրից ավելի, կամ եթե նկատում եք որևէ կողմնակի ազդեցություն, որը նշված չէ այս ներդիր թերթիկում:

Դադարեցրեք Ֆլազոնի օգտագործումը, եթե ձեզ մոտ զարգանան այս ախտանիշները և անմիջապես դիմեք ձեր բժշկին կամ բժշկական օգնության:

Գերդեղաչափում 

Գերդեղաչափման կամ պատահական թունահարման դեպքում հարկավոր է անհապաղ տեղեկացնել բժշկին:

Դեղային փոխազդեցություն 

Տեղեկացրեք ձեր բժշկին կամ դեղագետին, եթե դուք ընդունում եք, վերջերս ընդունել եք կամ պատրաստվում եք ընդունել որևէ այլ դեղ՝ ներառյալ առանց դեղատոմսի բացթողնվողները և դեղաբույսերից պատրաստվածները, առ այն, որ դրանց և Ֆլազոնի միջև կարող է փոխազդեցություն լինել:

Նաև որոշ դեղեր կարող են ազդել Ֆլազոնի գործունեության վրա:

Մասնավորապես, տեղեկացրեք ձեր բժշկին, եթե ընդունում եք հետևյալ դեղամիջոցներից որևէ մեկը.

• Արյունը նոսրացնելու համար օգտագործվող դեղեր, ինչպիսին է վարֆարինը
• Լիթիում՝ հակադեպրեսանտ
• Ֆենոբարբիտալ կամ ֆենիտոին՝ հակաէպիլեպտիկ
• 5-ֆտորուրացիլ՝ քաղցկեղի բուժում
• Բուսուլֆան լեյկեմիայի համար (արյան բջիջների քաղցկեղ)
• Ցիկլոսպորին` օգտագործվում է օրգանների փոխպատվաստման ժամանակ
• Դիսուլֆիրամ ալկոհոլիզմի համար

Եթե վստահ չեք, խոսեք ձեր բժշկի կամ դեղագետի հետ՝ նախքան Ֆլազոնն օգտագործելը:

Ֆլազոնը ընդունելու ընթացքում պետք չէ օգտագործել խմիչք, ինչպես նաև դրանից հետո 48 ժամերի ընթացքում: Դա կարող է առաջացնել տհաճ կողմնակի բարդություններ, ինչպիսիք են սրտխառնոցը, փսխումը, ցավերը որովայնի շրջանում, առաջացնում է կարմրատակում և սրտի բաբախում, գլխացավ:

Հատուկ հրահանգներ

Ֆլազոն օգտագործելուց առաջ տեղեկացրեք բժշկին կամ դեղագետին, եթե՝

• ունեք կամ երբևէ ունեցել եք լյարդի հետ կապված խնդիրներ
• անցնում եք երիկամների դիալիզ
• ունեք նյարդային համակարգի ախտահարումներ

Եթե վստահ չեք, որ վերը նշվածներից որևէ մեկը վերաբերում է ձեզ, խորհրդակցեք ձեր բժշկի կամ դեղագետի հետ նախքան Ֆլազոնն օգտագործելը:

Անմիջապես տեղեկացրեք ձեր բժշկին և դադարեցրեք Ֆլազոնի ընդունումը, եթե ձեզ մոտ զարգանա. ստամոքսի ցավ, անորեքսիա (ախորժակի կորուստ), սրտխառնոց, փսխում, ջերմություն, վատառողջություն, հոգնածություն, գլխապտույտ, դեղնախտ, մեզի և կղանքի մգացում կամ քոր:

Գրանցվել են լյարդի ծանր թունավորման / լյարդի սուր անբավարարության դեպքեր, այդ թվում՝ մահացու ելքով դեպքեր, Կոկեյնի համախտանիշով հիվանդների մոտ, դեղի կիրառումից հետո: Եթե դուք տառապում եք Կոկեյնի համախտանիշով, ձեր բժիշկը պետք է նաև հաճախակի վերահսկի ձեր լյարդի աշխատանքը Ֆլազոնով բուժվելիս և դրանից հետո: Դեղի կիրառումից հետո հաղորդվել է լուրջ մաշկային ռեակցիաների մասին, ներառյալ Սթիվենս-Ջոնսոնի համախտանիշը (ՍՋՀ), Տոքսիկ էպիդերմալ նեկրոլիզ (ՏԷՆ), Սուր ընդհանրացված էկզանտեմատոզ պուստուլոզ:

ՍՋՀ և ՏԷՆ սկզբում կարող են դրսևորվել որպես կարմրավուն բծեր կամ շրջանաձև բծեր որոնք հաճախ բշտիկներով են մարմնի կենտրոնում: Նաև կարող են առաջանալ բերանի, կոկորդի, քթի, սեռական օրգանների և աչքերի խոցեր (կարմիր և այտուցված աչքեր): Այս լուրջ մաշկային ցաներին հաճախ նախորդում են ջերմություն և/կամ գրիպի նման ախտանիշներ: Ցաները կարող են վերածվել մաշկի լայնածավալ թեփոտման և կյանքին սպառնացող բարդությունների կամ մահացու լինել:

Սուր ընդհանրացված էկզանտեմատոզ պուստուլոզը բուժման սկզբում հանդես է գալիս որպես կարմիր թեփուկավոր լայն տարածում ունեցող ցան՝ մաշկի տակ բշտիկներով և տենդով ուղեկցվող բշտիկներով:

Ամենատարածված վայրը. հիմնականաում տեղայնացված է մաշկի ծալքերում, մարմնում և վերին վերջույթներում:

Մաշկի լուրջ ռեակցիաների առաջացման ամենաբարձր ռիսկը նկատվում է մեկ շաբաթվա ընթացքում, սովորաբար բուժման մեկնարկից հետո 48 ժամվա ընթացքում:

Ազդեցությունը փոխադրամիջոցներ վարելու և սարքավորումների հետ աշխատելու կարողությունների վրա 

Դեղի կիրառման հետ կապված հնարավոր գլխապտույտի առաջացման վտանգի պատճառով վարորդները և մեխանիզմների հետ աշխատողները պետք է լինեն չափազանց ուշադիր:

Թողարկման ձև

5 հեշտոցային մոմիկ խցիկում, տուփ՝ 2-ական խցիկով և բժշկական կիրառման հրահանգով:

Պահման պայմաններ

Պահել 25°C -ից ոչ բարձր պայմաններում:

Պահել երեխաների համար անհասանելի տեղում: 

Պիտանիության ժամկետ

3 տարի: 

Դեղը չի կարելի կիրառել տուփի վրա նշված պիտանիության ժամկետը լրանալուց հետո: 

Դեղատնից բացթողման կարգ 

Բաց է թողնվում դեղատոմսով: